Ижкар+19 °C
7 -тӥ пӧсьтолэзь 2020 Пуксён
16+

Удмуртиын туризм сярысь катэз кутӥзы

  • 84
  • 0
Ижкар / Удмуртия
Удмуртиын туризм сярысь катэз кутӥзы
Туспуктэм: Кристина Берестова

23-тӥ инвожое Удмуртилэн Кун Кенешлэн кызь куатетӥ сессияз депутатъёс «О некоторых вопросах развития туризма и туристской деятельности в Удмуртии» катэз кутӥзы. Со улосвыламы туризмлэсь валтӥсь ужпумъёссэ но ӧръёссэ пусъе, ивортэ улосвыл парламентлэн пресс-службаез.

Катэз элькунамы туризмез азинтон, удысэ инвестициос кыскон но туристъёслэсь лыдзэс будэтон понна кутӥзы

Кат туристъёслы интыос кылдытон но соосты азинтон радлыкез кылдытэ. Ужкагаз Удмуртилэсь, туризмъя улосвыллэсь сямен, огъя пуссэ но фирменной туссэ кылдытонэз, туризм удыслэн ужамез сярысь ивортодэт вӧлмытонэз но туризмъя ивортодэт вӧлмытон центр усьтонэз кулэ каре.

Озьы ик кат туриндустриын пӧртэм удысэтъёслэсь кусыпъёссэ, удысэ интвесторъёсты но общественностез кысконэз, Удмуртилэн ваньбурез, туризм удысысь объектъёсыз но субъектъёсыз сярысь туризмъя реестр нуонэз, кун но интыосысь тӧрлык ёзэсъёслэсь ужоскетъёссэс радъя.

Кун Кенешысь тодосъя, дышетонъя, лулчеберетъя, йӧскалык но егитъёсын ужан политикая но спортъя ялан ужась ӧрилэн тӧроез Татьяна Ишматова кутэм кат Удмуртиысь туризмез азинтыны луонлыкъёсты капчигес кароз, элькунысь туризмез калыклы матэгес кароз, удысэз азинтыны ватсаса коньдон кыскыны луонлык кылдытоз но выль уж интыос сётоз шуыса пусйиз.

Асьмелэн туризмез азинтыны туж бадӟым луонлыкъёсмы, сое будӥсь кулэяськон возьматэ. Куноослы Пётр Чайковский, Михаил Калашников, Брангурт песянайёс, Сибирь тракт, Тол Бабайлэн удмурт юртэз, «Лудорвай» музей-зпаоведни но этнотуризм тунсыко, солы луыса событийной но культурно-познавательной туризм зол азинско. Но асьмеос та удысэз экономикае выжтыны кулэ, со понна трос амалъёс кылдытоно
Татьяна Ишматова, Кун Кенешысь тодосъя, дышетонъя, лулчеберетъя, йӧскалык но егитъёсын ужан политикая но спортъя ялан ужась ӧрилэн тӧроез

Озьы ик Татьяна Ишматова пусйиз, та удысын нормативно-правовой инъет кылдытон улосвылмылы «Развитие внутреннего и въездного туризма в России» федерал программае пыриськыны луонлык сётоз шуыса. 

Тодэ вайытом, со нуналэ ик Кун Кенеш тамактэм никотино суретъёсты вузанэз дугдытон сярысь катэз кутӥз.



Наверх
Вниз