Ижкар+19 °C
7 -тӥ пӧсьтолэзь 2020 Пуксён
16+

Удмуртиын Кункатэ тупатонъёсъя огъяросси куара сётон улсын ӟырдыт телефон герӟет ужаны кутскиз

  • 69
  • 0
Ижкар / Удмуртия
Удмуртиын Кункатэ тупатонъёсъя огъяросси куара сётон улсын ӟырдыт телефон герӟет ужаны кутскиз
Туспуктэм: Ксения Кропачева

25-тӥ инвожое, Кункатэ тупатонъёсъя огъяросси куара сётон кутскон нуналэ, Удмуртиын элькунысь мер палаталэн ужъюгдуръя ӟырдыт телефон герӟет ужаны кутскиз. Солэн ужамез сярысь журналистъёслы Мер палаталэн тӧроез Рашид Хуснутдинов вераз.

Куара сётонэн герӟаськем вань юанъёсын Ужъюгдуръя центре 8-800-301-7-444 телефон номеръя жингыртыны луэ

Элькунын улӥсьёслэн юанъёссылы юристъёс-волонтёръёс валэктонъёс сётозы. Озьы ик центрын «Россиысь юристъёслэн ассоциацизылэн» улосвылъя ёзэтэзлэн ыстэм муртэз ужа, со кулэ дыръя эрикрадо юрттэт сётэ.

Ужъюгдуръя центр 17-тӥ инвожоысен ужа, ӟырдыт герӟетэ трос гинэ жингыртонъёс вуо ни. Кинлэн ке быръён участокезлэсь номерзэ тодэмез, дорын куара сётон радлыкез тодэмез потэ, кинлэн ке мер чаклась луэмез потэ. Интыосын ужзэс радъян пумысен асьсэос но мер чакласьёс жингыръяло
Рашид Хуснутдинов, Удмуртиысь мер палаталэн тӧроез

Огъросси куара сётон ужрадлэсь мынэмзэ котькулэсь трос мер чакласьёс (общественный наблюдатель) эскерозы. Со мер но коммерци луисьтэм огазеяськонъёслэн, студентъёслэн огазеяськонъёссылэн, муниципал кылдытэтъёслэн ыстэм муртъёссы но мыло-кыдо кунмуртъёс – ваньмыз 6 сюрс 200-лэсь трос адями.

Дырызлэсь вазь куара сётон дыръя котькуд быръён участокын быдэн куинь чакласьёс ужалозы, валтӥсь нуналаз – 1-тӥ пӧсьтолэзе – быдэн вить адями луоз. Соос куара сётон интыосын но, доре потасьёсын но ужалозы.

Ми ӟырдыт телефонэ вуэм вань вазиськонъёсты эскериськомы. Куара сётонъя куронъёсты тӥян учыръёсты адӟиды ке, одно ик Ужъюгдуръя центре жингыртэ но ивортэ. Со дыре ик тӥян учырез зэматыны кулэ. Валамон, вазиськись нимзэ вераны кулэ
Рашид Хуснутдинов, Удмуртиысь мер палаталэн тӧроез

Ужъюгдуръя центр 2-тӥ пӧсьтолэзёзь, куара сётонлы йылпумъянъёс лэсьтон нуналозь, ужалоз.



Наверх
Вниз