100 лет государственности Удмуртии
Ижкар+21 °C
7 -тӥ инвожо 2020 Воскресенье
16+

8-тӥ гудырикошконэ Удмуртиын Россиысь Кун Думае быръёнъёсы одӥг мандатъем округъёсъя кандидатъёсты пусъён йылпумъяськоз

  • 492
  • 0
Ижкар / Удмуртия
8-тӥ гудырикошконэ Удмуртиын Россиысь Кун Думае быръёнъёсы одӥг мандатъем округъёсъя кандидатъёсты пусъён йылпумъяськоз
Фото: penza.press

8-тӥ гудырикошконэ Удмуртиын Россиысь Кун Думае быръёнъёсы одӥг мандатъем округъёсъя кандидатъёсты пусъён йылпумъяськоз. Иворъёсъя «Удмуртия» агентстволэн корреспондентэзлы со сярысь веразы элькунысь быръёнъёсъя ӧриын.

Да дырлы 11 кандидатъёс пусъемын. Кандидатуразэс ӵектэмзы сярысь ялэм эшшо вить муртъёсъя пумкылъянъёс кутэмын луозы. Соосын сётэм ужкагазъёсты али эскеро на. Катъя солы 10 нунал висъяське.

Быръёнъёсъя ӧрие ужкагазъёсты сётон дыр 3-тӥ гудырикошконэ йылпумъяськиз.

Та дырлы быръёнъёсъя Удмурт (33 номеро) округын пусъемын Алексей Загребин («Единая Россия»), Роман Дементьев («Коммунисты России»), Владимир Чепкасов (КПРФ), Тимур Ягафаров (ЛДПР), Ильдар Закиров (ПАРНАС), Виктор Шудегов («Справедливая Россия»). Асьсэлэсь кандидатуразэс ӵектӥзы но али пусйымтэ на: Алексей Чулкин («ПАРТИЯ РОСТА»), Сергей Буторин («Гражданская платформа»).

Быръёнъёсъя Ижкар (34 номеро) округын пусъемын Юрий Мишкин («Коммунисты России»), Владимир Бодров (КПРФ), Антон Гусев (ЛДПР), Руслан Тимуршин (ПАРНАС), Фарид Юнусов («Справедливая Россия»). Асьсэлэсь кандидатуразэс ӵектӥзы но али пусйымтэ на: Валерий Бузилов («Единая Россия»), Михаил Назаров («ЯБЛОКО»), Олег Овчинников (ачиз ӵектӥськиз).

Тодэ вайытом, Россиысь Кун Думае быръёнъёс ортчозы 18-тӥ куарусёнэ. 2003-тӥ арысен нырысьсэ соос суро амалэн ортчозы. Озьы 450 депутатъёс пӧлысь 225-ез огъя федерал округъя партиослэн списокъёссыя быръемын луозы. эшшо 225 -ез — одӥг мандатъем округъёсъя.



Наверх
Вниз