100 лет государственности Удмуртии
Ижкар+22 °C
6 -тӥ инвожо 2020 Кӧснунал
16+

Удмуртиысь быръёнъёсъя ӧри Россиысь Кун Думае депутатэ одӥг мандатъем округъёсъя кандидатъёсты пусъёнэз йылпумъяз

  • 454
  • 0
Ижкар / Удмуртия
Удмуртиысь быръёнъёсъя ӧри Россиысь Кун Думае депутатэ одӥг мандатъем округъёсъя кандидатъёсты пусъёнэз йылпумъяз
Фото: vladtime.ru

Удмуртиысь быръёнъёсъя ӧри катрадлыкен пусъем дыре Россиысь Кун Думае депутатъёсты быръёнъёсы элькунъя одӥг мандатъем кык округъёсъя 15 кандидатъёсты юнматӥз.

Элькунысь быръёнъёсъя ӧрилэн нимлыко сайтаз ивортэмъя, ӧри одӥгзэ гинэ кандидатэз пусйыны пумит луиз, со ассэ ӵектэм Олег Овчинников. Партиосын ӵектэм муртъёс со ужрадэз ваньзы шугъяськонъёстэк ортчизы.

Быръёнъёсъя одӥг мандатъем 33 номеро Удмурт округын пусъемын 8 адями: Алексей Загребин (ӵектӥз «Единая Россия»), Алексей Чулкин («Партия Роста»), Сергей Буторин («Гражданская платформа»), Роман Дементьев («Коммунисты России»), Владимир Чепкасов (КПРФ), Тимур Ягафаров (ЛДПР), Ильдар Закиров (ПАРНАС) но Виктор Шудегов («Справедливая Россия»).

Одӥг мандатъем 34 номеро Ижкар округын 7 кандидатъёс депутатлэн мандатэз понна вожвылъяськозы: Валерий Бузилов («Единая Россия»), Юрий Мишкин («Коммунисты России»), Владимир Бодров (КПРФ), Антон Гусев (ЛДПР), Руслан Тимуршин (ПАРНАС), Михаил Назаров («Яблоко») но Фарид Юнусов («Справедливая Россия»).

Озьыен, «единороссъёс», коммунистъёслэн кык партиоссы, эсеръёс, либерал-демократъёс но ПАРНАС улосвылысь кыказ ик одӥг мандатъем округъёсын быръёнъёсы пыриськозы. Нош «Партия Роста», «Гражданская платформа» но «Яблоко» одӥгаз вань кужымзэс сётыса ужаны малпазы.

Тодэ вайытом, Россиысь парламентлэн выль ӧтчамаз 450 депутатъёс пӧлысь ӝыныез одӥг мандатъем округъёсъя шедёзы, мукет ӝыныез — партиослэн списокъёссыя.

Кун Думае быръёнъёс 18-тӥ куарусёнэ ортчозы. Со нуналэ ик Удмуртиын ёросъёслэн но поселениослэн кенешъёсазы депутатъёсты быръёзы.



Наверх
Вниз