Ижкар+18 °C
9 -тӥ куартолэзь 2021 Воскресенье
18+

Россиысь Кунсьӧр ужъёсъя министерстволэн Нижний Новгородысь ыстэм муртэз Удмуртиез кунлыкезлы 100 ар тырмонэн ӟечкылаз

  • 107
  • 0
Ижкар / Удмуртия
Россиысь Кунсьӧр ужъёсъя министерстволэн Нижний Новгородысь ыстэм муртэз Удмуртиез кунлыкезлы 100 ар тырмонэн ӟечкылаз
Туспуктэм: Алёна Селезнёва

Россиысь Кунсьӧр ужъёсъя министерстволэн Нижний Новгородын ыстэм муртэз Сергей Малов Удмуртилэсь тӧрозэ Александр Бречаловез но элькунын улӥсьёсты Удмуртилэн кунлыкезлы 100 ар тырмонэн но Калыкъёслэн огазеяськон нуналэнызы ӟечкылаз. Со сярысь улосвыл тӧролэн но кивалтэтлэн пресс-службазы ивортӥз.

Элькунлы азинскыны, мукет кунъёсын кусыпъёсты паськытатыны сӥзисько, нош тӥледлы но улосвылын вань улӥсьёслы ӟеч ужъёсын удалтон, юн тазалык, ванё-буро улон но азьланяз умоезлы оскон
Сергей Малов, Россиысь Кунсьӧр ужъёсъя министерстволэн Нижний Новгородын ыстэм муртэз

Ӟечкылан телеграммаяз озьы ик со Удмуртия история но лулчеберет ласянь узыр йылолъёсыныз, мерлык но экономика, тодос но техника ласянь ӟеч азинскеменыз, чырмыт улосвыл политикаеныз висъяське шуыса пусйиз.

Тодэ вайытом, Удмуртилэн кунлыкезлы 100 ар тырмонлы сӥзем бадӟым концертэз 4-тӥ шуркынмонэ телевидение пыр возьматозы



Наверх
Вниз