Ижкар+17 °C
21 -тӥ инвожо 2021 Вордӥськон
18+

Михаил Трофимовез Можгалы тӧрое бырйизы

  • 146
  • 0
Можга / Удмуртия
Михаил Трофимовез Можгалы тӧрое бырйизы
Туспуктэм: vk.com (Михаил Трофимов)

3-тӥ шуркынмонэ Можгаысь кар думалэн кенешоназ муниципал кылдытэтлы тӧроез быръёнъёс ортчизы. Со сярысь Удмуртиысь тӧролэн но кивалтэтлэн пресс-службазы ивортӥз.

Депутатъёслы кык кандидатъёсты ӵектӥзы: карлэсь али тӧрозэ Михаил Трофимовез но «Жилкоммунсервис» муниципал предприятилэсь кивалтӥсьсэ Дмитрий Граховез.

Карлэн кивалтӥсезлэн нимыз кыкетӥзэ куара сётэм бере гинэ тодмо луиз. 14 депутатъёс Михаил Трофимовлы дурбасьтӥзы, ньылез возиськизы. Дмитрий Грахов понна нокин но куаразэ ӧз сёты. 

Тодэ вайытом, Можгалы кивалтӥсе кандидатъёсты быръёнъя вожвылъяськон 28-тӥ коньывуонэ ортчиз, отчы 11 адями пыриськиз.

Ватсалом, Сарапуллы тӧроез быръёнъя конкурс 16-тӥ шуркынмонэ ортчоз, нош 20-тӥ шуркынмонэ Ижкарлы тӧрое кандидатъёсты быръёнъя конкурс ӧрилэн кенешез радъяськоз



Наверх
Вниз