Ижкар-11 °C
4 -тӥ толсур 2020 Удмуртарня
18+

Сарапуллэн выль тӧроез Виктор Шестаков луиз

  • 65
  • 0
Ижкар / Удмуртия
Сарапуллэн выль тӧроез Виктор Шестаков луиз
Туспуктэм: vk.com (Администрация города Сарапула)

Сарапул карлы выль тӧрое Виктор Шестаковез бырйизы. Со сярысь кар администрацилэн пресс-службаез ивортӥз.

Лушкем куара сётонын со понна 26 депутатъёс дурбасьтӥзы, одӥгез бюллетень ярантэмен лыдъямын

Виктор Шестаков куарусёнысен, карлэн тӧроез Александр Ессен ужан интыысьтыз ас мылкыдызъя кошкем бере, кивалтӥсьлэсь ужзэ быдэсъяз.

Сарапуллэн тӧроезлэн интыез понна вожвылъяськонэ 14 адями пыриськиз. Конкурслы йылпумъянъёсъя, Кар думаысь депутатъёслы куара сётыны кык муртэ ӵектӥзы – Виктор Шестаковез но 18 номеро лицейлэсь кивалтӥсьсэ Александр Сахаровез.

ВАТСАН

Виктор Михайлович Шестаков вордскиз Пермь шаерын 1985-тӥ арын. 2007-тӥ арын Удмурт кун университетэз кун но муниципал кивалтон ӧръя йылпумъяз. 2008-2014 аръёсы спортъя но тазалыкез кыдатонъя «Энергия» огъетэн кивалтӥз. 2014-тӥ арын Сарапуллэн администрациысьтыз экономикая управленилэн кивалтӥсезлэн воштӥсез, ивестициосъя ёзэтлэн кивалтӥсез луиз. 2015-тӥ арысен Сарапуллэн администрациезлэн тӧроезлэн мерлыко удысъя воштӥсез вал. Кышнояськемын, ньыль нылпиосыз.

Тодэ вайытом, азьвылгес Можга карлы тӧрое Михаил Трофимовез бырйизы. Ижкарлы кивалтӥсе кандидатъёсты быръёнъя конкурс ӧрилэн кенешез 20-тӥ шуркынмонэ ортчоз



Наверх
Вниз