Ижкар-4 °C
5 -тӥ толсур 2021 Воскресенье
18+

Нюлэс тылпуэз кысӥзы Вотка ёросын

  • 403
  • 0
Вотка / Удмуртия
Нюлэс тылпуэз кысӥзы Вотка ёросын
Туспуктэм: vk.com (МЧС Удмуртии)

20-тӥ куартолэзе 7 час 41 минутэ Вотка ёросысь «Нечкинский» йӧскалык паркын нюлэс тылпуэз кысӥзы. «Горд атасэн» куинь уй-нунал ӵоже нюръяськизы. Со сярысь «ВКонтакте» мерлыко вотэсысь бамаз элькунлэн тӧроез Александр Бречалов ивортӥз.

Тылпу Дэри ёросысь Поварёнка но Вотка ёросысь Сидоровы горы гуртъёс вискын кутскиз. Тыл гурт доры вуэ ни вал, но тылпу кысӥсьёс сое утьыны быгатӥзы. Тыл оглом 100 гектар быдӟа интывылъя ортчиз
Александр Бречалов, Удмуртилэн тӧроез

Тылпу бервылын караульной бригадаос возьмасько

Инкуазез утён прокуратуралэн нырысь-валысь чакламезъя, тылпу адямилэн эскериськытэк тылын выременыз сэрен потӥз.

Александр Бречалов «горд атасэн» нюръяськонэ пыриськем тылпу кысӥсьёслы но асмылкыдчиослы рос-прос ужамзы но ӧнерлыко луэмзы понна тау кариз.



Наверх
Вниз