Ижкар-4 °C
5 -тӥ толсур 2021 Воскресенье
18+

Ижкарын вуэз дасясь предприятиын хлор кисьтӥськиз

  • 300
  • 0
Ижкар / Удмуртия
Ижкарын вуэз дасясь предприятиын хлор кисьтӥськиз
Туспуктэм: Россиысь МЧС-лэн элькунъя валтӥсь управлениезлэн пресс-службаез

2-тӥ пӧсьтолэзе 20 час 48 минутэ Ижкарысь Песочной ульчаын «Ижводоканаллэн» очистной сооружениосаз хлор кисьтӥськиз шуыса ивортон вуиз. Шуэрес учыр интые МЧС-лэн элькунъя управлениысьтыз, Поисково-спасательной службаысь, Росотребнадзорысь ӧнрчиос вуизы. Металлургъёслэн городоказы улӥсьёсты кышкытлык вайись интыысь кошкыны куризы. Со сярысь Россиысь МЧС-лэн элькунъя валтӥсь управлениезлэн пресс-службаез ивортӥз.

Хлор кисьтӥськонэз ӝог дугдытын быгатӥзы.

«Ижводоканаллэн» пресс-службаез ивортэмъя, предпритиын шугадӟонэ шедемъёс ӧвӧл, ужасьсты палэнэ поттӥзы. Котырысь калык понна кышкытлык ӧвӧл.

Омырез эскеронъёс возьматӥзы, тазалыклы кышкытлык вайымон хлор отын ӧвӧл. Озьы ке но Металлургъёслэн городоказы улӥсьёсты чакласькыны, укнооссэс лач-лач ворсаны куризы.

Удмуртилэн тӧроез Александр Бречалов верамъя, югдурез чакласа возёзы, 30-45 минутлы быдэ омырез эскерозы. 

Удмуртиысь прокуратура шимучырлэсь мугъёссэ эскерон борды кутскиз.

Ӝог эмъюрттэт сётонъя ёзэсын ивортэмзыя, соос доры хлорен отравление пумысен вазиськонъёс ӧй вал. 6 номеро кар эмъяськонниын 20 койка дасязы. 

Карлэн тӧроез Олег Бекмеметьев Металлургъёслэн городоказы улӥсьёсты доразы берытскыны, нош асьсэдыз урод шӧдыкузы ӝог эмъюрттэт сётӥсьёслы вазиськыны куриз. 

Александр Бречалов журналистъёслы вераз, зоопаркын ужасьёс пӧйшуръёсты чакласа возё шуыса. Озьы ик вуэз уже кутыны яра шуыса пусйиз.

Зоопарклэн пресс-службаез ивортэмъя, пӧйшуръёсын ваньмыз умой. Али соос пуш вольеръёсын. 



Наверх
Вниз