100 лет государственности Удмуртии
Ижкар+22 °C
6 -тӥ инвожо 2020 Кӧснунал
16+

Суд Удмуртилэсь азьвыл тӧрозэ Александр Соловьёвез кык толэзьлы арест улэ басьтӥз

  • 446
  • 0
Москва / Удмуртия
Суд Удмуртилэсь азьвыл тӧрозэ Александр Соловьёвез кык толэзьлы арест улэ басьтӥз

Москваысь Басманной суд Удмуртилэсь азьвыл тӧрозэ Александр Соловьёвез кык толэзьлы арест улэ басьтӥз. Иворъёсъя «Удмуртия» агентстволэн корреспондентэзлы со сярысь вераз судлэн пресс-секретарез Юнона Царёва.

Солэн верамезъя, чиновник 4-тӥ инвожоозь пытсамын луоз.

Тодэ вайытом, 4-тӥ оштолэзе ӵукна Соловьёвез ӝегатӥзы но Москвае нуизы. Отын сое Россилэн Уголовной кодексысьтыз 290-тӥ ёзэтлэн 6-тӥ люкетэзъя («Получение взятки должностным лицом, занимающим государственную должность Российской Федерации, в особо крупном размере») янгыше уськытэм сярысь пуктэтэн тодматӥзы.

Следствилэн ивортодэтэзъя, 2014-тӥ арысен 2016-тӥ арозь Александр Соловьёв Кам, но Буй шуръёс вамен выжъёс пуктӥсь огезлэсь огазеяськонлэсь 140 миллион манет пала басьтӥз. Со сяна, эрикрадэз утӥсьёс малпамъя, политиклы коммерци компаниын 2 миллион 700 сюрс манет сылӥсь люкетсэ сётӥзы. Со понна чиновник быдэсъяськись ужъёс понна элькун но федерал коньдэтъёсысь уксёез ӝегатскытэк тырыны кулэ вал.

Россилэн азьмуртэз Владимир Путин Александр Соловьёвез «осконысь потэменыз валче» ужезлэсь мозмытӥз. Озьы ик аслаз пуктэтэныз со улосвыллэн тӧроезлэсь ужзэ огдырлы быдэсъясе Александр Бречаловез юнматӥз



Наверх
Вниз