100 лет государственности Удмуртии
Ижкар+15 °C
28 -тӥ куартолэзь 2020 Покчиарня
16+

Пичи Пурга ёрослэн администрацияз обыскъёс ортчизы

  • 408
  • 0
Пичи Пурга / Удмуртия
Пичи Пурга ёрослэн администрацияз обыскъёс ортчизы
Фото: Григорий Фомин

Пичи Пурга ёрослэн администрацияз обыскъёс ортчизы. Со сярысь вераз Россиысь Следствиосъя комитетлэн Удмурт элькунъя Следствиосъя управленилэн кивалтӥсез Владимир Никешкин, ивортэ «Интерфакс». Со сяна, солэн кылъёсызъя, ужрадъёс ёрослэн тӧроезлэн Светлана Колодкиналэн кабинетаз ортчизы, сое интыуже 2016-тӥ арын куарусёнэ бырйизы.

Владимир Никешкинлэн верамезъя, обыскъёс ёросын куашкан калэ вуэм юртъёсъя югдурен герӟаськемын.

Эрикрадэз утӥсьёслэн вуэмзы сярысь ивортонэз «Удмуртия» агентстволы зэматӥзы ёрос администрациын но.

Тодэ вайытом, 18-тӥ оштолэзе Удмуртилэн тӧроезлэсь ужзэ быдэсъясь Пичи Пурга ёросысь куашкан калэ вуэм юртъёсын улӥсьёсын пумиськылӥз, соосты пилиськылэм но пурысьтам борддоръёсын выль коркаосы выжтӥллям. Патер кузёос ӝожтӥськизы, отын кезьыт, сьӧросъёс урамын шуыса. Соку Александр Бречалов югдурез эрикрадэз утись ёзэсъёс ласянь эскеронъёс луыны быгатозы шуыса вераз.

Со нуналэ ик улосвыл кивалтӥсь вераз, элькунын эскерозы вань юртъёсты, кудъёсыз лукырес коркаосын улӥсьёсты выжтон программая пуктэмын вал но кытын калыклэсь ӝожтӥськонъёс вань.

24-тӥ оштолэзе элькунысь дыкужымъя, жилищно-коммунальной возёсъя но тарифъёсты кун ласянь радъянъя министр Иван Маринин вераз, юртъёсты пуктӥсь соосты толэзь куспын тупатъяны оскытӥз шуыса. Александр Бречалов югдурез чакласа возьыны косӥз.

Пичи Пурга ёросысь выль "лукырес коркаос"




Наверх
Вниз