100 лет государственности Удмуртии
Ижкар+15 °C
28 -тӥ куартолэзь 2020 Покчиарня
16+

Уголовной уж ӝутӥзы Пичи Пурга ёросын лукырес коркаосын югдуръя

  • 460
  • 0
Пичи Пурга / Удмуртия
Уголовной уж ӝутӥзы Пичи Пурга ёросын лукырес коркаосын югдуръя
Фото: Григорий Фомин

Удмуртиысь Пичи Пурга ёросын куашкан калэ вуэм юртъёсъя кылдэм югдур пумысен уголовной уж ӝутӥзы. Со сярысь ивортӥзы Россиысь Следствиосъя комитетлэн элькунъя Следствиосъя управленилэн пресс-службаяз.

Удысэтын верамзыя, ужъя трос патеръем 14 юртъёс ортчо. Соос лукырес коркаосын улӥсьёсты выжтон программая 2013–2017 аръёсы пуктэмын вал. Кызьы возьматӥзы эскеронъёс, коркаос санитарной куронъёслы уг тупало.

«Со коркаосын улон адямилэн улонэзлы но тазалыкезлы кышкытлык вае», — пусйизы пресс-службаын.

Куронъёсты тӥянъёс шоры учкытэк, Пичи Пурга ёрос администрациысь чиновникъёс юртъёсты кутӥзы но ужъёс понна коньдэтысь висъям уксёез тыризы. Вылаз ик, тыриськон бадӟыматэмын вылэм. Уголовной уж ӝутӥзы Росси Федерацилэн Уголовной кодексысьтыз 285 ёзэтэзлэн 3-тӥ люкетэзъя («злоупотребление должностными полномочиями»).

Тодэ вайытом, Россиысь Следствиосъя комитетлэн Удмурт элькунъя Следствиосъя управленилэн кивалтӥсез Владимир Никешкин азьвылгес ивортӥз, ёрос администрациын но тӧролэн кабинетаз обыскъёс ортчизы шуыса.

Тодэ вайытом, 18-тӥ оштолэзе Удмуртилэн тӧроезлэсь ужзэ быдэсъясь Пичи пурга ёросысь куашкан калэ вуэм юртъёсын улӥсьёсын пумиськылӥз, соосты пилиськылэм но пурысьтам борддоръёсын выль коркаосы выжтӥллям. Патер кузёос ӝожтӥськизы, отын кезьыт, сьӧросъёс урамын шуыса. Соку Александр Бречалов югдурез эрикрадэз утись ёзэсъёс ласянь эскеронъёс луыны быгатозы шуыса вераз.

Пичи Пурга ёросысь выль "лукырес коркаос"




Наверх
Вниз