100 лет государственности Удмуртии
Ижкар+22 °C
6 -тӥ инвожо 2020 Кӧснунал
16+

Удмуртилэн азьвыл тӧроез Александр Соловьёв 4-тӥ куарусёнозь арест улэ кылёз

  • 450
  • 0
Москва / Россия
Удмуртилэн азьвыл тӧроез Александр Соловьёв 4-тӥ куарусёнозь арест улэ кылёз
Туспуктэм: Григорий Фомин

Удмуртилэн азьвыл тӧроез Александр Соловьёв 2017-тӥ арысь 4-тӥ куарусёнозь арест улэ кылёз. Иворъёсъя «Удмуртия» агентстволы со сярысь вераз Москваысь Басманной судлэн пресс-секретарез Юнона Царёва.

Ачиз улосвыллэн азьвыл кивалтӥсез сое дораз арест улэ выжтыны куриз вал. Солэн адвокатэз Алексей Ульянов, утёно муртэзлэн тазалыкез вылэ чӧлскыса, куронлы дурбасьтэмез сярысь вераз.

Азьвылгес ивортэмын вал, Соловьёв коррупциен герӟаськем йыружъёсъя янгыше уськытонэн соглаш луиз шуыса.

Тодэ вайытом, элькунлэсь азьвыл тӧрозэ 4-тӥ оштолэзе ӝегатӥзы. Россиысь Следствиосъя коимтет уголовной уж ӝутӥз Росси Федерацилэн Уголовной Кодексысьтыз 290-тӥ ёзэтлэн 6-тӥ люкетэзъя («Получение взятки должностным лицом, занимающим государственную должность Российской Федерации, в особо крупном размере»). Со нуналэ ик Россилэн азьмуртэз Владиимр Путин сое улосвыл кивалтӥсьлэн ужоскетъёсызлэсь мозмытӥз.

Ужпумъя вань иворъёсты лыдӟе «Удмуртилэсь тӧрозэ ӝегатон» сюжетысь


Наверх
Вниз