100 лет государственности Удмуртии
Ижкар+17 °C
3 -тӥ инвожо 2020 Вирнунал
16+

Ижкарын шимучырын быремъёслэн лыдзы ньылёзь будӥз

  • 332
  • 0
Ижкар / Удмуртия
Ижкарын шимучырын быремъёслэн лыдзы ньылёзь будӥз
Туспуктэм: Григорий Фомин

Ижкарысь Удмуртской урамын коркалэн подъездэз куашкан сэрен быремъёслэн лыдзы 20 час 30 минутлы ньылёзь будӥз. Со сярысь ивортӥз Росгвардилэн элькунъя управлениезлэн кивалтӥсезлэн воштӥсез Николай Мерзляков. Азьвыл кык быремъёс сярысь ивортэмын вал.

Эшшо куинь адями сӧсырмыны шедиз. Кыкез соос пӧлысь лэземын, одӥгез эмъяськонние нуэмын.

Ижкарын куашкам коркаын ньыль адями быриз


Тодэ вайытом, чагыр эстӥськон пуштэмен сэрен укмыс этажъем коркалэн (№ 261) сэрегысьтыз подъездэз куашказ. Юртын улӥсьёс артысь школаосы интыямын, кӧняез ке шутэтскон юртъёсы но кунокуаосы келямын.

Тӧрлыкъёс пӧсь сиён сётонэз радъязы, ужало психологъёс.

Куашканлэсь бервылзэ утялтыны мукет улосвылъёсысь спасательёсты возьмало. Интыын ужъёс уен-нуналэн мынозы, та дыре отын 411 адями но 111 техника ужа.

Тодэ вайытом, Россиысь МЧС-лэн элькунъя Валтӥсь управленияз «ӟырдыт телефон линия» ужа — 8 (3412) 51-45-50, озьы ик «оскон телефон» — 8 (3412) 51-99-99.

Югдур сярысь иворъёсты лыдӟе «Ижкарын 9 этажъем коркалэн подъездэз куашказ» сюжетысь


Наверх
Вниз