Ижкар+15 °C
17 куарусён 2019 Пуксён
16+

Владимир Пучков Ижкарысь куашкам юртын улӥсьёсын пумиськиз

  • 238
  • 0
Ижкар / Удмуртия
Владимир Пучков Ижкарысь куашкам юртын улӥсьёсын пумиськиз
Туспуктэм: пресс-служба главы и правительства Удмуртии

Россиысь МЧС-лэн кивалтӥсез Владимир Пучков но Удмуртилэн тӧроез Александр Бречалов калыкез огдырлы интыян пунктэ вуылӥзы. Со сярысь ивортӥзы улосвыл тӧролэн но кивалтэтлэн пресс-службаязы.

Калыкез огдырлы интыян пунктэ Удмуртской урамысь 361 номеро юртын улӥсьёс интыямын, 9-тӥ шуркынмонэ коркалэн одӥг подъездэз куашказ. Пунктын вань мерлыко ёзэсъёс, эмчиос, психологъёс ужало.

Ужкагазъёсты сётон ужпумез сэрттон-пертчон понна Александр Бречалов кӧснуналэз но арнянуналэз мерлыко ёзэсъёс понна ужан нуналэз ялӥз. Отчы ик туспуктӥсез ӧтёзы.

Со сяна, Удмуртилэн тӧроез пусйиз, шугадӟонъя шедемъёс огдырлы интыян пунктъёсын улыны быгатозы сомында, кӧня кулэ луоз.

Россиысь МЧС-лэн кивалтӥсез Владимир Пучков куашкам юртын улӥсьёсын пумиськиз

6 фото

Азьвылгес МВД-ын ивортӥзы, ужкагазъёсты выльысь лэсьтонъя пункт «Юбилейная» кунокуаын ужаны кутскиз шуыса (Пушкинской урам, 2472).

Ижкарын улон коркалэн люкетэз куашказ

10 фото

Тодэ вайытом, Удмуртской урамысь юртлэн одӥгез подъездэз куашкам сэрен куать адями быриз шуыса тодмо. Одӥгез нылпи 1 номеро элькун эмъяськонниын.

Шимучыр 9-тӥ шуркынмонэ 17 час котырын луиз. Нырысь-валысь чакланъёсъя укмыс этажъем коркалэн сэрегысь подъездэз чагыр эстӥськон пуштэмен сэрен куашказ. Юртын улӥсьёсты огдырлы интыян пунктъёсы келязы, отын соосын Удмуртилэн тӧроез Александр Бречалов пумиськылӥз. Куашкан корка 100 метрлы котыртэмын.

Югдур сярысь иворъёсты лыдӟе «Ижкарын 9 этажъем коркалэн подъездэз куашказ» сюжетысь

Наши партнеры

Наверх
Вниз