100 лет государственности Удмуртии
Ижкар+17 °C
5 -тӥ инвожо 2020 Удмуртарня
16+

Полицейскойёс Ижкарын газ пуштэм патерын улӥсез ӝегатӥзы

  • 410
  • 0
Ижкар / Удмуртия
Полицейскойёс Ижкарын газ пуштэм патерын улӥсез ӝегатӥзы
Туспуктэм: ИА «Удмуртия»

Ижкарын трос этажъем юртлэн подъездэз куашкан учыръя уголовной ужез эскерон улсын Россысь Следствоиосъя комитетысь Следствиосъя валтӥсь управлениысь следовательлэн куремезъя полицейскойёс воргоронэз ӝегатӥзы. Со анаеныз ӵош улэ вал со патерын, кытын, следствилэн чакламезъя, газ пуштӥз. Со сярысь ивортэ Удмуртиысь МВД-лэн пресс-службаез.

Та дыре следовательёс допрос нуо. Собере ӝегатэм муртлэн инлыкез пумысен пумкылъян кутозы.

Тодэ вайытом, Удмуртской урамысь 261 номеро юртлэн одӥгез подъездэз покчиарняе, 9-тӥ шуркынмонэ, куашказ. Нырысь-валысь чакланъёсъя, одӥгаз патерын чагыр эстӥськон пуштӥз. Шимучырын куать адями быриз, соосты тодмазы ни. Уголовной уж Россиысь Уголовной кодекслэн 238-тӥ ёзэтэзлэн 3-тӥ люкетэзъя ӝутэмын (кышкыттэмлыкъя куронъёслы тупасьтэм ужъёсты яке юрттӥськетъёсты быдэстэмен сэрен кык яке солэсь тросгес адямиез быронэ вуттон). 

Югдур сярысь иворъёсты лыдӟе «Ижкарын 9 этажъем коркалэн подъездэз куашказ» сюжетысь

Азьвылгес следовательёс веразы вал, Удмуртской урамысь 261 номеро юртын чагыр эстӥськон пуштонын адями янгыш луыны быгатэ шуыса. 

Удмуртской урамысь коркалэн куашкам люкетэз

9 фото
 



Наверх
Вниз