Ижкар-19 °C
26 -тӥ тулыспал 2021 Удмуртарня
18+

Удмурт ульчаысь 261 номеро юртлэн 4-тӥ но 6-тӥ подъездъёсаз улӥсьёс патеръёсазы тулыслы берытскыны быгатозы

  • 326
  • 0
Ижкар / Удмуртия
Удмурт ульчаысь 261 номеро юртлэн 4-тӥ но 6-тӥ подъездъёсаз улӥсьёс патеръёсазы тулыслы берытскыны быгатозы
Туспуктэм: Григорий Фомин

Ижкарысь Удмурт ульчаысь 261 номеро юртлэн кыказ подъездъёсаз улӥсьёс асьсэ патеръёсазы дырпусъя тулыс кутскытозь берытскыны быгатозы. Туннэ, 12-тӥ тулыспалэ, журналистъёслы со сярысь вераз шоркар администрацилэн тӧроезлэн нырысетӥ воштӥсез Сергей Задорожный.

4-тӥ но 6-тӥ подъездъёсын улӥсьёс 1-тӥ южтолэзьлы берытскыны быгатозы шуыса малпасько
Сергей Задорожный

Солэн верамезъя, лэсьтӥськисьёслы обшивкаен но езъёсын герӟаськем ватсаса ужъёсты лэсьтыны кылиз на. Собере вань патеръёсты эшшо одӥг пол эскерозы.

Эскеронъёс вуоно арняе луозы, дыр, соин отын ужъёс йылпумъясько
Сергей Задорожный

Азьвылгес та эскеронъёсты 15-тӥ тулыспаллы йылпумъяны чаклало вал. Пуштон сэрен куашкам витетӥ подъездын улӥсьёсты улосвыл тӧрлыкъёс 1-тӥ южтолэзьысен интыяны малпало вал.

Тодэ вайытом, чагыр эстӥськон пуштэмен сэрен 9-тӥ шуркынмонэ юртлэн оглюкетэз куашказ. Следстви чакламъя, мугез чагыр эстӥськон пуштэмен герӟаськемын, сое одӥгаз патерын улӥсь юри лэзиз. Юртлэн сэрегысьтыз витетӥ подъездлэн оглюкетэз куашказ, 7 адями быриз.

Юртлэсь тужгес изъянмем люкетсэ сэрттӥзы. 4-тӥ но 6-тӥ подъездъёслэсь конструкциоссэ юнматӥзы, кыре кылем борддоръёсты шуныттӥзы. Ӧнерчиос 1–3 подъездъёсын улон кышкыттэмлыко шуыса веразы. Отын улӥсьёс доразы берытскыны кутскизы 27-тӥ толсуре.

Мукет секциосын улӥсьёс огдырлы радъям интыосын яке ӵыжы-выжоссы дорын уло на.



Наверх
Вниз