Ижкар-19 °C
26 -тӥ тулыспал 2021 Удмуртарня
18+

Ижкарысь Удмуртской урамысь юртлэн 4-тӥ но 6-тӥ подъездъёсаз улӥсьёс 3-тӥ южтолэзе доразы берытскыны кутскозы

  • 628
  • 0
Ижкар / Удмуртия
Ижкарысь Удмуртской урамысь юртлэн 4-тӥ но 6-тӥ подъездъёсаз улӥсьёс 3-тӥ южтолэзе доразы берытскыны кутскозы
Туспуктэм: Алексей Иванов

Вуоно кӧснуналэ, 3-тӥ южтолэзе, Ижкарысь Удмуртской урамын 261 номеро изъянмем юртлэн 4-тӥ но 6-тӥ подъездъёсысьтыз улӥсьёс патеръёсазы берытскозы. Кызьы ивортӥз журналистъёслы элькун кивалтэтлэн тӧроез Ярослав Семёнов, улӥсьёс доразы 9 час ӵукнаысен пырыны кутскозы.

Милям вань йылсанкылмы, вань секциос но нылпи центр улыны ярамонэсь шуыса. Со сяна, милям вань луонлыкмы ньылетӥ но куатетӥ секциысь улӥсьёсты пыртыны
Ярослав Семенов, Удмуртиысь кивалтэтлэн тӧроез

Со сяна, подъездъёсын улон кышкыттэмлыко шуыса Россиысь МЧС-лэн «Струна» комплексэныз ватсаса эскерем бере юнматӥзы.

Тодэтъёс, кудъёссэ возьмато приборъёс, возьмато, юрт юн сылэ шуыса, умой ужаны ярамон, нокыӵе шуг-секытъёс уз луэ
Петр Фомин, Россиысь МЧС-лэн элькунъя валтӥсь управлениезлэн кивалтӥсез

Туннэ, 2-т южтолэзе, шимучыръёсъя кар ӧрилэн кенешоназ 4-тӥ но 6-тӥ секиос вылысь шуэрес югдурез куштыны кулэ.

Ижкар администрацилэн тӧроезлэн воштӥсез Сергей Задорожный верамъя, патеръёсы пыронэз управляющий компаниосын но коммунальной службаосын ӵош нимысьтыз ӧри чаклалоз. Соку ик УК подъездъёсысь огъя интыосты тупатоз.

Тодэ вайытом, юрт 9-тӥ шуркынмонэ 2017-тӥ арын изъянмиз. Следствие малпамъя, шимучыр одӥгез отын улӥсь сэрен кылдӥз. Чагыр эстӥськон пуштэмен коркалэн 5-тӥ секциез куашказ, 7 адями быриз.

Тужгес но зол изъянмем 5-тӥ секциез сэрттӥзы. 4-тӥ но 6-тӥ подъездъёслэсь конструкциоссэ юнматӥзы, кыре кылем борддоръёсты шуныттӥзы. 1-3-тӥ подъездъёсты ӧнерчиос улыны ярамонэсь шуизы, отын улӥсьёс 27-тӥ толсуре доразы берытскыны кутскизы. Кылем секциосысь 72 улӥсьёс огдырлы радъям интыосын уло.



Наверх
Вниз