Ижкар-19 °C
26 -тӥ тулыспал 2021 Удмуртарня
18+

Ижкарысь корка пуштон ужъя янгыше уськытэм муртэ психиатрияя стационаре выжтӥзы

  • 505
  • 0
Ижкар / Удмуртия
Ижкарысь корка пуштон ужъя янгыше уськытэм муртэ психиатрияя стационаре выжтӥзы
Туспуктэм: ИА «Удмуртия»

Ижкарысь Удмуртской урамысь 261 номеро юртын пуштон учыръя янгыше уськытэм муртэ психиатрияя стационаре интыязы. Сыӵе пумкылъян 7-тӥ южтолэзе Удмуртилэн шоркарысьтыз Индустри суд кутӥз.

Пытсэт улын возиськись муртэ суд психиатрияя стационаре выжтӥз
Эмма Харьковская, Ижкарысь Индустри судлэн кивалтӥсезлэн воштӥсез

Эмъяськонние пиосмуртэз интыяны муг солэсь психической висёнзэ шедьтэмен валче кылдӥз. Эмъюртын со нырысь-вылысь эскеронъёс кыстӥськытозь улоз.

Судлэн кенешонэз ворсам амалэн ортчиз, малы ке шуоно отын янгыше уськытэмлэн диагнозэз чузъяськиз.

Тодэ вайытом, Удмуртской урамысь укмыс этажъем юрт 9-тӥ шуркынмонэ 2017-тӥ арын изъянмиз. Чагыр эстӥськон пуштэмен сэрен коркалэн витетӥ подъездэз куашказ, 7 адями быриз.

Шимучыр бере мукет нуналаз эрикрадэз утӥсьёс пуштонын янгыш луыны быгатӥсь муртэ ӝегатӥзы. Со та коркан ик улӥсь 27-аресъем пиосмурт вылэм. Следствие малпамъя, со газ плита бордысь гумыез юри ишкалтӥз, патерзэ ворсаз но кошкиз.

11-тӥ шуркынмонэ судлэн пумкылъянэзъя сое 2 толэзьлы пытсазы. Судлэн кенешонэз мыныку, пиосмурт янгыше уськытонлэн ог люкетэныз соглаш луиз. Психолого-психиатрической эскерон ортчытыны кулэлыкен валче, 29-тӥ шуркынмонэ суд янгыше уськытэм муртэз 9-тӥ южтолэзёзь  пытсэт сьӧры кельтыны пумкылъян кутӥз.

Ватсалом, та дыре 1-3 подъездъёсынын улӥсьёс доразы бертӥзы ни, 4-тӥ но 6-тӥ секциосын улӥсьёс патеръёсазы 3-тӥ южтолэзе берытскыны кутскизы. Соослэн подъездъёссылэн конструкциосыз шимучыр бере юнматэмын но шуныттэмын вал. Куашкам но сэрттэм витетӥ секциын улӥсьёс выль улон интылы сертификатъёс куартолэзьлы басьтыны кулэ.



Наверх
Вниз