Ижкар+2 °C
27 -тӥ коньывуон 2020 Пуксён
18+

300 гектар музъем вылэ вӧлскиз Пугачёвоысь тылпулэсь ӵын

  • 300
  • 0
Пугачёво / Удмуртия
300 гектар музъем вылэ вӧлскиз Пугачёвоысь тылпулэсь ӵын
Туспуктэм: vk.com (МЧС Удмуртии) Сергей Грачев

Пугачёвоысь тылпулэсь ӵын но нимаз интыосын кенжылонъёс 300 гектар музъемез басьтӥзы. Тылэз кортнан вылысь котыр музъем гыремын, ивортэмын элькунысь МЧС-лэн «ВКонтакте» вотэсбамаз. Шуге-леке шедем адямиос яке изъянмем юртъёс сярысь ивортонъёс ӧвӧл.

Тодэ вайытом, кӧс турын кенжон интые Екатеринбургысь Ми-8 вертолёт но Бе-200 самолёт вуизы. Азьвыл ожгар частьлэн лымшор палась интывылаз Бе-200 пеймыт луытозь 1 пол ву кисьтӥз (8 тонна), Ми-8 укмыс пол ву кисьтӥз (быдэн 5 тоннаен, оглом 45 тонна). Уйин дугдытэм ужъёсты 17-тӥ куартолэзе ӵукна азьланьтӥзы.

Тылпуэн нюръяськыны 473 адями, 107 техника кыскемын, со пӧлын Агрыз станциысь тылпу кысӥсь поезд.

Пугачёво черкогуртысь азьвыл ожгар частьлэн интывылаз тылпу потӥз 16-тӥ куартолэзе кӧс турын ӝуаны кутскемен. Шимучыр турынэз куронъёсты тяса сутэмен кылдыны быгатӥз.

Ожгар городоклэн интывылаз шуэрес югдуръя режим ялӥзы.



Наверх
Вниз