Ижкар-5 °C
1 -тӥ толсур 2020 Пуксён
18+

Пугачёвоысь азьвыл ожгар частьлэн интыяз тылпу кысэмын

  • 395
  • 0
Пугачёво / Удмуртия
Пугачёвоысь азьвыл ожгар частьлэн интыяз тылпу кысэмын
Туспуктэм: Николай Кузнецов

Пугачёво вӧзысь тылпуэз уй куспын кысӥзы. Россиысь МЧС-лэн элькунъя валтӥсь управлениысьтыз пресс-службалэн кивалтӥсезлэн воштӥсез Вероника Митрофанова вылэ чӧлскыса, со сярысь шимучыр интыысь ивортодэтъя «Удмуртия» агентстволэн корреспондентэз ивортэ.

Куд-ог интыын ӵын потон учыръёс вань. Выльысен тылпу медаз кылды шуыса, ву кисьтан мынэ
Вероника Митрофанова, Россиысь МЧС-лэн элькунъя валтӥсь управлениезлэн пресс-службаезлэн кивалтӥсезлэн воштӥсез

Шимучыр интыын ялан ужа авиация, со борды музъем вылын ужась ёзэсъёс итӥськизы. Бе-200 самолёт ву Чайковск водохранилищеысь басьтэ.

Пусъём, омырлэн температураез ӝутскемен валче, азьвыл ожгар городоклэн интывылаз одӥген пуштэм учыръёс кылдыло.

Тодэ вайытом, 16-тӥ куартолэзе кӧс турын ӝуаны кутскемен ожгар частьлэн азьвыл интыяз тылпу потӥз. Шимучыр турынэз куронъёсты тӥяса сутэмен кылдыны быгатӥз. Пугачёвоысь тылпулэсь ӵын но нимаз интыосын кенжылонъёс 300 гектар музъемез басьтӥзы.

Ожгар частьлэн интывылаз шуэрес югдуръя режим ялӥзы.



Наверх
Вниз