Ижкар+1 °C
22 куарусён 2019 Воскресенье
16+

400 тонна пала ву кисьтӥзы спасательёс Удмуртиысь ожгар городокын тылпу потон интые

  • 319
  • 0
Пугачёво / Удмуртия
400 тонна пала ву кисьтӥзы спасательёс Удмуртиысь ожгар городокын тылпу потон интые
Туспуктэм: Николай Кузнецов

Пугачёво черкогурт вӧзысь азьвыл ожгар частьлэн интывылаз тылпу потон интые спасательёс 395 тонна ву кисьтӥзы ни. Со сярысь 17-тӥ куартолэзе ивортодэтъя «Удмуртия» агентстволы МЧС-лэн элькунъя управлениысьтыз пресс-службаяз веразы.

Бе-200 самолёт-амфибия тылпу вылэ 96 тонна ву кисьтӥз, Ми-8 вертолёт — 160 тонна, эшшо 139 тонна — удысэтлэн мобильной группировкаез.

Тушение пожара в Пугачево


Тодэ вайытом, боеприпасъёсын арсеналлэн азьвыл интыяз тылпу кысэмын ни. Куд-ог интыосын ӵын потэ на, ӵапак отчы авиация ву кисьта. Нуназе 16-тӥ куартолэзе кӧс турын ӝуаны кутскемен быдтымтэ снарядъёс пуштылыны кутскизы. Шимучыр турынэз куронъёсты тӥяса сутэмен сэрен кылдыны быгатӥз. Ожгар городоклэн интывылаз шуэрес югдуръя режим ялэмын. Боеприпасъёс пуштон учырез ожгар следовательёс эскерозы.

Наши партнеры

Наверх
Вниз