Ижкар+4 °C
30 -тӥ коньывуон 2020 Удмуртарня
18+

Пугачёвоын улӥсьёсты доразы лэзьыны кутскозы нунал ӵоже 17-тӥ куартолэзе

  • 365
  • 0
Пугачёво / Удмуртия
Пугачёвоын улӥсьёсты доразы лэзьыны кутскозы нунал ӵоже 17-тӥ куартолэзе
Туспуктэм: Николай Кузнецов

Туннэ нунал ӵоже Пугачёвоын улӥсьёс доразы шедьыны бышатозы. Та дыре Удмуртиысь тӧрлыкъёс кышкытлыко интыез сюбегатон сярысь верасько. Со понна элькунысь Росгвардия но ОМОН быдэс интывылэз пуштылонъёс бере пазьгиськем корт чалепъёслы эскерозы. Со сярысь журналистъёслы вераз улосвыл кивалтэтлэн тӧроез Ярослав Семёнов.

Озьы ик нунал ӵоже юртъёсы пырись гумыосты но езъёсты чаклалозы. Собере калыкен ӵош полицейскойёс коркась корка мынозы.

Ми тыршиськомы, ожгар городокын улӥсьёс туннэ нунал ӵоже доразы берытскыны мед быгатозы шуыса. Но ӧри пумкылъян кутоз соку гинэ, ку 100 процентлы оскон луоз, кышкытлык ӧвӧл шуыса
Ярослав Семёнов, Удмуртиысь кивалтэтлэн тӧроез

Та дыре ожгар городокын улӥсьёс, нош со 1 сюрс 500 пала адями, ӵыжы-выжыоссы, тодмооссы дорын. Эшшо 14 адями – огдырлы радъям улон интыын, кӧня ке нылпиос Ижкарысь «Ласточка» санаторийын. Семёновлэн верамезъя, юртъёсты эскерон дыръя кыӵе ке шекъёс шараяьскизы ке, черкогуртын улӥсьёс нимысьтыз акт гожтыны кулэ.

Тодэ вайытом, боеприпасъёсын арсеналлэн азьвыл интыяз тылпу кысэмын ни, али ӵын потон интыосы ву кисьтало на. Пугачёво вӧзын 16-тӥ куартолзе нуназе кӧс турын ӝуаны кутскиз, тылпу сэрен арсеналын кылем снарядъёс пуштылыны кутскизы. Ожгар горожокын шуэрес югдуръя режим ялэмын. 



Наверх
Вниз