Ижкар-19 °C
26 -тӥ тулыспал 2021 Удмуртарня
18+

Ижкарын чагыр эстӥськон пуштон сэрен юртэз куашканэ вуттонын янгыше уськытэм муртэ кужымысь эмъяськыны лэзьыны ӵекто

  • 496
  • 0
Москва / Россия
Ижкарын чагыр эстӥськон пуштон сэрен юртэз куашканэ вуттонын янгыше уськытэм муртэ кужымысь эмъяськыны лэзьыны ӵекто
Туспуктэм: Алексей Арзамасцев

Алексей Копытовлы пумит уголовной ужез эскерись следовательёс асьсэ пуктэтазы сое кужмысь эмъяськыны лэзьыны ӵектӥзы. Воргоронэз Ижкарысь Удмурт урамысь 261 номеро юртын чагыр эстӥськонэз пуштытонын янгыше уськыто. Соин сэрен коркалэн витетӥ секциез куашказ, сизьым адями улонысь кошкиз, 9 патеръёсын ваньбурзэс быдэсак ыштӥзы. Со сярысь Россиысь следствиосъя комитетлэн сайтаз ивортэмын.

Россиысь валтӥсь прокуратуралэн ивортоназ верамын, кунмуртэз психиатрической юрттэт сётӥсь эмъюртын эмъяны кулэ, нош уголовной ужез Ижкарысь Октябрь ёрос судэ эскерыны лэземын шуыса.

Следствие пуктӥз, Копытовлэн ялан кыстӥськись сураськонэз вань шуыса, соин сэрен мар дауртэмзэ но кышкытлыкез валаны ӧз быгаты.

Юртлэн витетӥ подъездысьтыз патерын улӥсь пиосмурт 2017-тӥ арын шуркынмонэ газ плиталэсь шлангзэ гумы бордысь ишкалтӥз, вань укнооссэ но пырон ӧсэз ворсаз. Пумен патерын чагыр эстӥськон люкаськиз но пуштӥз, соин сэрен коркалэн люкетэз куашказ.

Алексей Копытовез Россиысь Уголовной кодекслэн 105-тӥ ёзэтэзлэн 2-тӥ люкетысьтыз «а», «в». «е» пунктъёсъя, 30-тӥ ёзэтэзлэн 3-тӥ люкетэзъя, 105-тӥ ёзэтэзлэн 2-тӥ люкетэзлэн «е» пунктэзъя, 167-тӥ ёзэтэзлэн 2-тӥ люкетэзъя янгыше уськыто (виён но виыны омырскон, ваньбурез юри быдтон).

Улон интызэс ыштэм муртъёслы элькун но федерал коньдэт чотын патеръёс сёто.



Наверх
Вниз