11-тӥ южтолэзе Удмуртиысь Вылӥ суд Ижкарысь Удмурт урамысь 261 номеро юртлэн люкетэз куашканын янгыш луись Александр Копытовез кужмысь эмъяны келяз. Со сярысь улосвыл прокуратуралэн пресс-службаез ивортэ.
Кызьы пусъемын судын, <…> янгыше уськытэм мурт 261 номеро юртысь одӥгаз патерлэн кухняяз чагыр эстӥськон гумыысь кран бордысь шлангзэ ишкалтӥз но озьы газлы патере вӧлмыны но омырен сураськыны сётӥз
Нырысь-валысь следстви дыръя ортчытэм психолого-психиатрической экспертиза Александр Копытовлэн йырыз сураськемын шуыса лыдъяз.
Суд янгыш муртэ нимысьтыз эмъюртын юн чаклам улын кужымысь эмъяны лэзён сярысь пумкыл кутӥз.
Тодэ вайытом, шимучыр 2017-тӥ арын 9-тӥ шуркынмонэ 16 час 40 минутэ луиз. Укмыс этажъем коркалэн одӥгез подъездэз куашкамен 7 адями быриз, со пӧлын 2 нылпиос. 11 адями сӧсырмыны шедиз. 441 муртлэн ваньбурез быдтэмын но изъянтэмын.
Вань иворъёс «Ижкарын 9 этажъем коркалэн подъездэз куашказ» темая