Ижкар-13 °C
28 -тӥ тулыспал 2021 Воскресенье
18+

Улон интыосты вутудӟонлэсь утён кужымъёс сю процентлы дась луыны кулэ Удмуртиын

  • 437
  • 0
Ижкар / Удмуртия
Улон интыосты вутудӟонлэсь утён кужымъёс сю процентлы дась луыны кулэ Удмуртиын
Туспуктэм: Екатерина Волкова

Улон коркаосты, мерлыко, промышленной юртъёсты, транспорт но мукет инфраструктураез вутудӟонлэсь утён кужымъёс но тӥрлык сю процентлы дась луыны кулэ. 11-тӥ оштолэзе Удмуртиысь кивалтэтлэн тӧроезлэн Ярослав Семёновлэн нимыныз сыӵе гожтэтъёс элькунысь вань муниципал кылдытэтъёслэн кивалтӥсьёссылы лэземын, ивортэ улосвыл тӧролэн но кивалтэтлэн пресс-службазы.

Удмурт Гидрометцентрысь куазез эскерисьёслэн чакламзыя, матысь кык нуналъёсы – 11-тӥ но 12-тӥ оштолэзе – элькунын температура шуак ӝутскоз: уйин +3,+8, нуназе +12,+16 градусозь. Соин валче лымы ӝог шунаны кутскоз но тудву кошкон ласянь секыт югдур кылдыны быгатоз
Удмуртиысь тӧролэн но кивалтэтлэн пресс-службазы

Кышкытлык шуръёс но тыметъёс ласянь гинэ ӧвӧл. Алон ужрадъёсты кутытэк, шуак шуныт кариськон дыръя тулыс ву шимучыръёсы вуттоз: улон коркаослэн, ужан юртъёслэн повалъёсазы, ву басьтон пуктӥськемъёсы, гумыос кошкон интыосы ву пырыны быгатоз.

Одӥгез валтӥсез ужпум – муниципал кылдытэтъёслэн администрациосазы, предприятиосын но ужъюртъёсын югдур понна кылкутӥсьёслэсь уен-нуналэн ужзэс радъян, электроезъёсты, ву сётон но пож вуэз поттон сӧзнэтъёсты чаклан.

Тодэ вайытом, тудву сэрен секыт югдур кылдонлы, тылпу потонлы кышкытлык будэмен валче 15-тӥ оштолэзьысен Удмуртиын шимучыръёсты алонъя но бервылзэс утялтонъя улосвыл сӧзнэт понна вылӥ дасьлыкъя радэс (режим) кужымаз пыроз. Со улсын калыкез шимучыръёслэсь утёнъя ватсаса ужрадъёс кутыны косэмын.



Наверх
Вниз