100 лет государственности Удмуртии
Ижкар+21 °C
7 -тӥ инвожо 2020 Воскресенье
16+

Дэри ёрос суд Удмуртилэн азьвыл тӧроезлэн ужезъя янгышатон ласянь туконъёсты эскеронэз йылпумъяз

  • 170
  • 0
Дэри / Удмуртия
Дэри ёрос суд Удмуртилэн азьвыл тӧроезлэн ужезъя янгышатон ласянь туконъёсты эскеронэз йылпумъяз
Туспуктэм: Руслан Нуриахметов

Дэри ёрос суд Удмуртилэн азьвыл тӧроезлэн Александр Соловьёвлэн ужезъя янгышатон ласянь туконъёсты (доказательствоосты) эскеронэз йылпумъяз. Со сярысь, элькунысь судъя департаментлэн управлениезлэн пресс-службаез вылэ чӧлскыса, «Интерфакс» ивортэ.

Суд 123 адӟисьёслэсь юалляськиз, гожтэм но ваньбур туконъёсты (вещественные доказательства), оперативно-розыскной ужъя материалъёсты, со пӧлын аудио- но видео гожтэмъёсты, эскериз.

Александр Соловьёвлэн адвокатэз судэ нырысь ик утись ласянь адӟисьёсты вайыны мылкыдзэ вераз – 31-тӥ коньывуонэ суд кыксэ кылзоз.

Тодэ вайытом, улосвыллэсь азьвыл тӧрозэ 139 миллион манет взятка басьтэмен янгыше уськыто. Александр Соловьёвез 2017-тӥ арын 4-тӥ оштолэзе ӝегатӥзы. Уголовной ужез Дэри ёрос суд эскере.

Дэри ёрос судын нырысетӥ кенешон дыръя Удмуртилэн азьвыл тӧроез адвокатсэ воштыны куриз. 30-тӥ толшоре янгышатон йылсанкылэз (обвинительное заключение) шаряку кун янгышатӥсь Дмитрий Малыгин вераз, Александр Соловьёв взяткалэсь нырысетӥ люкетсэ улосвыл тӧролэсь ужзэ быдэсъякуз ик куриз. Коньдонэз быръён кампанизэ нуыны малпа валКыкетӥез учыр – Кам но Буй шуръёс вамен выжъёсты пуктон понна луо вайись ужбергатӥсьлэсь взятка курон. Туэ куарусён кутсконын улосвыллэсь азьвыл тӧрозэ эмъяськонние выжтӥзы



Наверх
Вниз