Ижкар-15 °C
28 -тӥ тулыспал 2021 Воскресенье
18+

Пинал но солэн анаез кулон пумысен уголовной уж ӝутӥзы Можгаын

  • 237
  • 0
Можга / Удмуртия
Пинал но солэн анаез кулон пумысен уголовной уж ӝутӥзы Можгаын
Туспуктэм: Алексей Арзамасцев

Можгаын 13 аресъем пинал но солэн анаез кулон пумысен уголовной уж ӝутӥзы. Со сярысь Россиысь Следствиосъя комитетлэн Удмурт Элькунъя следствиосъя управлениезлэн пресс-службаез ивортэ.

Следовательёс тодӥзы, кышномурт висись нылпиеныз кыназы уло вылэм. 6-тӥ толсуре эрикрадэз утись ёзэсъёсы дораз дышетскись пиянлэн дышетӥсьёсыз вазиськиллям. Соослэн верамзыя, кышномурт кӧня ке нунал ӵоже ни ӧсэз уг усьты. Ӧсэз усьтэм бере патерысь нылкышнолэсь но пияшлэсь шӧйёссэс шедьтӥзы. Улэпен соосты берлозэ 30-тӥ шуркынмонэ адӟылӥллям.

Нырысь-валысь чакланъёсъя, пинал кынмыса 5-тӥ толсуре кулӥз, нош анаез арня солэсь азьвыл улонысь кошкиз. Мугзэ эскеро

Уголовной уж Россиысь Уголовной кодекслэн 293 ёзэтэзлэн 2-тӥ люкетэзъя ӝутӥзы («Халатность, повлекшая по неосторожности причинение тяжкого вреда здоровью или смерть человека»).

Ватсалом, Удмуртилэн тӧроез Александр Бречалов улосвыл кивалтэтлэсь тӧрозэ Ярослав Семёновез но пиналлэн эрикрадъёсызъя ужоскетчиез Ольга Авдееваез шимучыр кылдонэз эскерыны куриз. 



Наверх
Вниз