100 лет государственности Удмуртии
Ижкар+15 °C
28 -тӥ куартолэзь 2020 Покчиарня
16+

Удмуртилэн азьвыл тӧроезлэн Александр Соловьёвлэн ужезъя кенешонэз берлолы выжтӥзы

  • 208
  • 0
Ижкар / Удмуртия
Удмуртилэн азьвыл тӧроезлэн Александр Соловьёвлэн ужезъя кенешонэз берлолы выжтӥзы
Туспуктэм: Руслан Нуриахметов

Удмуртиысь Дэри ёрос суд элькунлэн азьвыл тӧроезлэн Александр Соловьёвлэн ужезъя кенешонэз берлолы выжтӥз. Со сярысь улосвылысь судъёслэн огазеяськемзылэн пресс-службаез ивортэ.

Уголовной ужез эскеронэз суд улэ шедем муртлы 65 ареслэсь трос но хронической висёнъёсыз вань шуыса выжтӥзы. Росси азьмуртлэн Владимир Путинлэн указэзъя но Удмуртилэн тӧроезлэн Александр Бречаловлэн косэмезъя пандемия дыръя 65 ареслэсь бадӟым адямиос но кема кыстӥськись висёнъёсын муртъёс нимаз висъяськыса улыны кулэ.

Судлэн кенешонэз 65 аресъем муртъёс понна сюбегатонъёсты палэнтытозь выжтэмын.

Тодэ вайытом, улосвыллэсь азьвыл тӧрозэ 139 миллион манет взятка басьтэмен янгыше уськыто. Александр Соловьёвез 2017-тӥ арын 4-тӥ оштолэзе ӝегатӥзы. Уголовной ужез Дэри ёрос суд эскере.

Дэри ёрос судын нырысетӥ кенешон дыръя Удмуртилэн азьвыл тӧроез адвокатсэ воштыны куриз. Кылем арын 30-тӥ толшоре янгышатон йылсанкылэз (обвинительное заключение) шаряку кун янгышатӥсь Дмитрий Малыгин вераз, Александр Соловьёв взяткалэсь нырысетӥ люкетсэ улосвыл тӧролэсь ужзэ быдэсъякуз ик куриз. Коньдонэз быръён кампанизэ нуыны малпа вал. Кыкетӥез учыр – Кам но Буй шуръёс вамен выжъёсты пуктон понна луо вайись ужбергатӥсьлэсь взятка курон. 2019-тӥ арын 18-тӥ толсуре Александр Солвоьёвез эмъяськонние нуизы. Нош 19-тӥ толсуре судлэн сотэк ортчем кенегшоназ дорын арест улсын возёнэз 2020-тӥ арысь 20-тӥ оштолэзёзь азьланьтон сярысь пумкылъян кутӥзы. 



Наверх
Вниз