Суд Удмуртилэсь азьвыл тӧрозэ 10 арлы пытсэт сьӧры келяны пумкыл кутӥз

  • 226
  • 0
Дэри / Удмуртия
Суд Удмуртилэсь азьвыл тӧрозэ 10 арлы пытсэт сьӧры келяны пумкыл кутӥз
Туспуктэм: Ксения Кропачева

14-тӥ коньывуонэ Дэри ёрос суд Удмуртилэсь азьвыл тӧрозэ Александр Соловьёвез 10 арлы чурыт режимен ужась колоние пытсэт сьӧры келяны но 275 миллион манет штраф тырыны пумкыл кутӥз. Пумкылэз (приговорез) шараянэ ивортодэтъя «Удмуртия» агентстволэн корреспондентэз вуылӥз.

Суд улосвыллэсь азьвыл кивалтӥсьсэ Россиысь Уголовной кодекслэн 290-тӥ ёзэтэзлэн 6-тӥ люкетэзъя («Получение должностным лицом взятки в особо крупном размере») янгышен лыдъяз. Пуктэм кылкутон чотэ следстви но суд мынон дыръя изоляторын но дорын пытсэт улын пукон дыр но мыноз. 

Дэри ёрос судлэн пумкылэз кужымаз ӧз на пыры, со обжаловать каремын луыны быгатэ.

Тодэ вайытом, Удмуртилэсь азьвыл тӧрозэ 2017-тӥ арын 4-тӥ оштолэзе ӝегатӥзы. Сое Кам но Буй шуръёс вамен выжъёсты лэсьтӥсь компаниослэсь 139 миллион манет взятка басьтэмен, коммерци огазеяськонлэсь 2 миллион 700 сюрс манет сылӥсь люкетсэ басьтэмен, озьы ик солы ваньбурен герӟаськем кадастр юрттӥськетэз катэз тӥяса сётӥзы шуыса янгыше уськытӥзы. Судын янгыше уськытӥсь Соловьёвез 13 арлы пытсэт сьӧры келяны но 280 миллион манет штраф улэ кыскыны куриз вал.



Наверх
Вниз