100 лет государственности Удмуртии
Ижкар+14 °C
31 -тӥ куартолэзь 2020 Воскресенье
16+

Можгаысь «Свет» завод Avon парфюмлы флаконъёс поттыны кутскоз

  • 250
  • 0
Можга / Удмуртия
Можгаысь «Свет» завод Avon парфюмлы флаконъёс поттыны кутскоз
Фото: Григорий Фомин

Парфюмерной, сиён-юонъя но эмъюмъёсъя промышленностьлы ӟенелик посуда поттонъя выль ужпӧрез кылдытыны но кутскыны Удмуртиысь «Свет» акционер огазеяськон 92 миллион 100 сюрс манет инвестициос кутӥз, сое 2 но ӝыны арскын берыктыны чакламын. Предприятилэн та ӧръя валтӥсь кулэяськисьёсыз луизы Avon, «Калина», «Красная Заря», «ПариЛайнПарфюм» но мукет компаниос. Завод сизьым пумо вузъёс поттоз, со пӧлын кунокуаосы мынӥсь сиён-юонъёслы ӟенелик посуда.

Выль линиез сӥё-дано усьтон ужрад ортчиз 25-тӥ шуркынмонэ, ивортэ «Удмуртия» агентстволэн корреспондентэз.

«Ӟечкыласько таӵе бадӟым ужрадэн — выль линиез усьтонэн. Предприяти вузпӧрын воштӥськонъёсты туж шор дунъяз, со азинскыны выль кужым сётоз», — вераз предприятиын ужасьёслы Удмуртиысь промышленностья но вузкаронъя министр Владимир Разумков.

Фото: Григорий Фомин
Выль линиез лэзён Фото: Фото: Григорий Фомин ©

Выль линия «Свет» огазеяськон понна дас куинетӥез луиз. Предприяти арлы быдэ 30 миллионозь ӟенелик посуда лэсьтыны быгатоз, быдӟалазы 5 миллилитрысен 250 миллилитрозь. Выль ужпӧр заводын 22 ужан инты кылдытыны луонлык сётӥз.

ВАТСАН

«Свет» акционер огазеяськон Удмуртиын 1835-тӥ ар пумын ужаны кутскиз. Али со Россиысь 5 процент палазэ ӟенелик посудаез поттэ. Араз 600 миллион мында вуз лэсьтэ.


Наверх
Вниз