100 лет государственности Удмуртии
Ижкар+8 °C
3 -тӥ инвожо 2020 Вирнунал
16+

Удмуртилэн тӧроез Механикая Чупчи заводлэсь коллективзэ юбилеен ӟечкылаз

  • 342
  • 0
Глазкар / Удмуртия
Удмуртилэн тӧроез Механикая Чупчи заводлэсь коллективзэ юбилеен ӟечкылаз
Фото: Михаил Шустов

Удмуртилэн тӧроез Александр Соловьёв 19ӥ толсуре Глазкарын Механикая Чупчи завод кылдэм дырысен 70 ар тырмонлы сӥзем сӥё-дано ужрадэ пыриськиз но предприятиын ужасьёсты но карын улӥсьёсты со дырпусэн ӟечкылаз.

«Удмуртилэн «уйпал шоркараз» туннэ праздник. Карез кылдытӥсь предприятилы туннэ 70 ар. Зэмзэ но, бадӟым лыдпус. Валтӥсез — со адямиос, тӥ, заводын ужасьёс. 70 ар ӵоже тӥ лэсьтӥды ваньзэ, завод мед ужалоз шуыса. Туннэ ми ветеранъёслэсь чилясь синъёссэс адӟимы. Нимысьтыз тау карем потэ та залэ лыктэм ветеранъёслы но, кин ӧвӧл но, туж бадӟым тау тӥледлы», — вераз Александр Соловьёв сцена вылысен.

«Механикая Чупчи завод кунысь оборонно-промышленной огъетысь одӥгез валтӥсь предприяти луэ но бадӟым кун ужпумъёсты быдэсъя. Заводлэн кулэяськонъёсыз туннэ цирконийлэсь вузъёсын гинэ тырмытэмын ӧвӧл, отын вань кальциен, танталэн, титанэн герӟасьёс вузъёс. Со оскон кылдытэ, ужан интыосты кык поллы будэтыны быгатом шуыса, азьланяз, оло, куинь поллы но», — предприятилэн азьланез сярысь вераз солэн кивалтӥсез Константин Вергазов.

Журналистъёсын вераськыкуз Удмуртилэн тӧроез эшшо одӥг пол пусйиз, макем бадӟым инты басьтэ ЧМЗ элькунлэсь «уйпал шоркарзэ» азинтонын.

Тодэ вайытом, 19ӥ толсуре Глазкаре вуылыкуз, элькунлэн кивалтӥсез карысь выльдэм чугун сюрес вокзалэз сӥё-дано усьтонэ но «Глазов. Электрон» огазеяськонын LADA Vesta автомобильлы аккумулятор еосты лэсьтонъя ужпӧр участокез лэзёнэ пыриськиз.

Механикая Чупчи заводлы 70 ар

5 фото



Наверх
Вниз