Ижкар-6 °C
26 -тӥ шуркынмон 2020 Покчиарня
18+

Удмуртиысь обороная предприятиос граждан вузъёсты поттонзэс 3,5 процентлы будэтӥзы

  • 500
  • 0
Ижкар / Удмуртия
Удмуртиысь обороная предприятиос граждан вузъёсты поттонзэс 3,5 процентлы будэтӥзы
Туспуктэм: Алёна Селезнёва

2017-тӥ арын Удмуртиысь обороная предприятиос граждан вузъёсты поттонзэс 3,5 процентлы будэтӥзы. Элькунысь промышленностья но вузкаронъя министерстволэн ивортэмезъя, арлы йылпумъянъёсъя, оборонно-промышленной огъетысь предприятиосын поттэм вань вузъёс пӧлысь 26,1 процентэз граждан вузъёс луо, ар ӵоже солэн быдӟалаез 4,1 процентлы йылӥз.

Гражданская продукция на предприятиях ОПК Удмуртии

Озьы элькунын Росси азьмуртэн 2020-тӥ арлы пуктэм ужпумез — 17 процентозь вуттон, быдэстэмын. 2025-тӥ арозь граждан вузлэн быдӟалаез 30 процентозь вуыны кулэ, 2030-тӥ арлы — 50 процентозь.

Удмуртиысь предприятиос Россиысь трос ӧръёсъя граждан вузъёсты лэсьтонын валтӥсь инты басьто. Кылсярысь, элькунын лэсьтӥсько цирконийлэсь но солэн сплавъёсызлэсь 100 процентэз вузъёс, 80 процентэз сверхпроводникъёс, 60 процентэз покчи но шоръёзо классъем беспилотникъёс, 60 процентэз ыбылӥськон граждан тӥрлыкъёс, 60 процентэз конденсаторъёс, 50 процентэз нимысьтыз анданъёс но сплавъёс но мукетыз.

Ужпӧрез будэтон понна Удмуртиысь предприятиос выль вузпӧръёсты эскеро но отчы пыро, инвестициосъя ӵектосъёсты улонэ пыӵато, ужпӧрез выльдо.



Наверх
Вниз