100 лет государственности Удмуртии
Ижкар+3 °C
30 -тӥ южтолэзь 2020 Вордӥськон
16+

Нуналаз 240 сюрсозь эм маскаос поттозы Удмуртиын

  • 190
  • 0
Ижкар / Удмуртия
Нуналаз 240 сюрсозь эм маскаос поттозы Удмуртиын
Туспуктэм: Руслан Нуриахметов

Удмуртиысь «Локомотив» предприятиын эм маскаос поттыны кутскизы. Отын 50-лэсь трос адями ужа, соос пӧлын тазалыксыя сюбегатэм луонлыкъёсын муртъёс.

Удмуртиысь вузпӧрез тырмытон понна ми нуналаз 24 час ужаськомы. Али уй-нуналскын 100-120 сюрс маскаос поттӥськомы
Денис Передериев, «Локомотив» предприятилэн кивалтӥсезлэн воштӥсез

Маскаосты поттон пона 27 вуриськон машинаос но ультразвуковой установкаос басьтӥзы.

Али предприяти элькунмылэсь гинэ кулэяськонзэ быдэстэ. 60 процент палазэ эмъюртъёсы келяло, 20 процентсэ - ужъюртъёсы, кытын ӧнерчиос калыкен ужало. Эшшо 20 процентсэ аптекаосы вузаны сёто, отын соосты одӥгзэ 20 манетэн вузалозы.

Выль линиез лэзьыса, ми полотнолэсь ассэ маскаез кылдытыны быгатомы. Вуоно арняысен уй-нуналаз 200-240 сюрс маскаос поттыны быгатом шуыса оскиськом
Виктор Лашкарёв, Удмуртиысь промышленностья но вузкаронъя министр

Со сяна, «Локомотивын» утиськон костюм поттонъя цех усьтыны малпало.

Тодэ вайытом, Удмуртиын кык адямилэсь коронавирус инфекциез шараязы



Наверх
Вниз