Ижкар+12 °C
16 -тӥ оштолэзь 2021 Удмуртарня
18+

Удмуртиысь куасэн бызьылӥсь бронза утӥз Росси кубоклэн куинетӥ люкетаз Киров улосвылын

  • 1573
  • 0
Киров / Россия
Удмуртиысь куасэн бызьылӥсь бронза утӥз Росси кубоклэн куинетӥ люкетаз Киров улосвылын
Туспуктэм: instagram.com (vylegzhanin_skiclub)

17-тӥ толшоре Удмуртиысь спортсмен Константин Главатских куасэн бызьылонъя Росси кубоклэн куинетӥ люкетаз бронза медаль утӥз. Ӵошатсконъёс 14-17-тӥ толшоре Киров улосвылысь куасэн бызьылонъя но биатлонъя «Перекоп» огъетын ортчизы. Со сярысь элькунысьтымы куасэн бызьылонъя федерацилэн «ВКонтакте» мерлыко вотэсысь бамаз ивортӥзы.

Константин Главатских 15 иськеме эрико амалэн уйыса бызёнын висъяськиз

Нырысетӥ Ханты-Манскийск автоном округысь дуннелэн кык пол чемпионэз Сергей Устюгов вуиз. Кыкетӥ инты Челябинск улосвылысь Владислав Вечканов басьтӥз.

Удмуртиысь мукетъёсыз спортсменъёс тазьы вуизы: Дмитрий Япаров – 16-тӥ, Александр Уткин – 18-тӥ, Павел Белослудцев – 28-тӥ, Равиль Валиахметов – 35-тӥ, Евгений Байбородов – 39-тӥ, Максим Антонов – 43-тӥ, Владислав Азанов – 44-тӥ, Кирилл Вичужанин – 56-тӥ, Филипп Колпаков – 57-тӥ, Александр Телегин – 95-тӥ.

Пусъём, со нуналэ ик нылкышноослэн 10иськеме эрико амалэн уйыса бызьылонъёссы ортчизы. Удмуртиысь Диана Алексеева но Дарья Белослудцева 22-тӥ но 24-тӥ инты басьтӥзы.

Тодэ вайытом, Удмуртиысь куасэн бызьылӥсь Лилия Васильева «Хакасилэн кубоказ» кык зарни медаль утӥз вал. 



Наверх
Вниз