Ижкар-18 °C
26 -тӥ тулыспал 2021 Удмуртарня
18+

Дышетскисьёслэн спортъя элькун тол шудонъёссы Уваын ортчозы

  • 321
  • 0
Ува / Удмуртия
Дышетскисьёслэн спортъя элькун тол шудонъёссы Уваын ортчозы
Туспуктэм: Алексей Арзамсцев

11-13 южтолэзе Уваын Удмуртиысь дышетскисьёслэн XXI спортъя элькун тол шудонъёссы ортчозы. 25 ёросъёсысь но каръёсысь 500-лэсь трос пиналъёс вуозы, вормон понна 34 командаос нюръяськозы. Со сярысь улосвылысь дышетонъя но тодосъя министерстволэн пресс-службаез ивортӥз.

Тол шудонъёслэн радлыказы куасэн бызьылонъя но полиатлонъя ӵошатсконъёс пыртэмын

Та дыре радъясьёс каргуртысь «Юбилейный» стадионын но «Юность» лулчеберет юртын репетициос ортчыто, куас сюресъёсты дасяло, пинал спортсменъёслы меню бордын ужало.

Тодэ вайытом, Удмуртиын дышетскисьёслэсь спартакиадазэс выльысь ортчытъяны 2000-тӥ арын кутскизы. Ӵошатсконъёс вить люкетэн ортчо: школаын кутскыса элькун финалозь, спортысь 18 амалъёсын 50-лэсь трос пиналъёс кужымзэс мертало. Спартакиада улсын Дышетскисьёслэн спортъя элькун тол шудонъёссы радъясько. Приволжск федерал округын та выллем ӵошатсконъёс ӧвӧл. 

Тодэ вайытом, 24-тӥ тулыспалэ Вавож ёросын Спортъя XXVII элькун тол гурт шудонъёс кутскозы.



Наверх
Вниз