Ижкар+8 °C
15 -тӥ оштолэзь 2021 Покчиарня
18+

Владислав Лекомцев куасэн бызьылонъя Дуннелэн кубокезлэн нырысетӥ люкетаз зарни медаль утӥз

  • 1949
  • 0
Планица / Словения
Владислав Лекомцев куасэн бызьылонъя Дуннелэн кубокезлэн нырысетӥ люкетаз зарни медаль утӥз
Туспуктэм: Алиса Гречаненко

Словениын суй-пыдзыя сӧсыр луись но ляб адӟись спортсменъёслэн куасэн бызьылонъя но биатлонъя Дуннелэн кубокез понна вожвылъяськонлэн нырысетӥ люкетэз кутскиз. 3-тӥ южтолэзе 7,5 иськеме эркын амалэн бызёнын Удмуртиысь Владислав Лекомцев нырысетӥ инты басьтӥз. Со сярысь Калыккуспо паралимпи комитетлэн сайтаз ивортӥзы.

Француз Бенжамин Давье Алнаш ёросысь 26 аресъем спортсменлы 58,1 секунд келяз. Россиысь Рушан Миннегулов 1 минут 10,2 секундлы бере кылиз. 

Таяз сезонын та ӵошатсконъёс Россилэн сборноез понна нырысетӥосыз луо

Дуннелэн кубокезлэн нырысетӥ люкетаз 15 кунъёсысь 90 пала спортсменъёс пырисько. Куасэн бызьылонъя ӵошатсконъёс 4-тӥ но 7-тӥ южтолэзе ортчозы на. 6-тӥ, 9-тӥ но 10-тӥ южтолэзе биатлонын кужмооссэ шараялозы.

Дуннелэн кубокезлэн кыкетӥ люкетэз 15-26 южтолэзе Финляндиысь Вуокаттиын ортчозы. 

Тодэ вайытом, та дыре Удмуртиысь следж-хоккеистъёс Россилэн чемпионатаз вормон понна нюръяськонзэс азьланьто.



Наверх
Вниз