Ижкар+1 °C
13 -тӥ оштолэзь 2021 Пуксён
18+

Удмуртиысь биатлонистка Россилэн чемпинатаз куинетӥ луиз

  • 495
  • 0
Ханты-Мансийск / Россия
Удмуртиысь биатлонистка Россилэн чемпинатаз куинетӥ луиз
Туспуктэм: vk.com ([В] БИАТЛОНЕ)

1-тӥ оштолэзе Удмуртиысь биатлонистка Ульяна Кайшева Ханты-Мансийскын Россилэн чемпионатаз ньыль ыбылӥськонэн уйыса бызёнын бронза медаль утӥз.

Спортсменкамы стартэ 9-тӥ интыысь потӥз. Одӥг пол гинэ мишене ӧз йӧтты но, берпуметӥ кругын Свердловск понна бызьылӥсь Ирина Казакевичез кельтыса, куинетӥ луиз. Нырысетӥ инты Мордовиысь Наталья Ушкина басьтӥз. Кыкетӥ – Ямало-Ненец автоном округысь Лариса Куклина.

Элькунысьтымы мукетыз биатлонисткамы Анастасия Кайшева ӵошатсконэ 22-тӥ кошкиз но финише 21-тӥ вуиз.

Та нуналэ ик уйыса бызёнын кужмооссэ воргоронъёс но шараязы. Удмуртиысь спортсменъёс вормисьёс пӧлы ӧз сюре. Нырысетӥ Башкириысь Эдуард Латыпов луиз, кыкетӥ – Москваысь Матвей Елисеев, куинетӥ – Санкт-Петербургысь Максим Цветков.

Асьме спортсменъёсмы пӧлысь устоез Александр Поварницын луиз. Со, сюрес вылэ 14-тӥ кошкыса, 8-тӥ вуиз. Дмитрий Шамаев 21-тӥ интыысь 16-тӥ интые ӝутскиз, Ильназ Мухаметзянов – 31-тӥ интыысь 25-тӥ интые, Александр Мяконький – 41-тӥ интыысь 34-тӥ интые, нош Владимир Семаков 32-тӥ интыысь 39-тӥ интые лэзькиз.

Россилэн чемпионатэз улсын кык пӧртэм ӵошатсконъёс кылизы на: эстафетаос но масс-стартъёс. Нылкышноослэн эстафетазы 3-тӥ оштолэзе ортчоз, со нуналэ ик воргоронъёс масс-стартэ потозы. Нош 4-тӥ оштолэзе – воргоронъёслэн эстафетазы но нылкышноослэн масс-стартсы луозы. 



Наверх
Вниз