Ижкар+1 °C
13 -тӥ оштолэзь 2021 Пуксён
18+

Удмуртиысь паралимпиецъёс Россилэн биатлонъя чемпионатаз но первенствояз медальёс утӥзы

  • 470
  • 0
Пересвет / Россия
Удмуртиысь паралимпиецъёс Россилэн биатлонъя чемпионатаз но первенствояз медальёс утӥзы
Туспуктэм: vk.com (Центр спортивной подготовки Удмуртии. ЦСП)

Удмуртиысь суй-пыдзыя сӧсыр спортсменъёс Россилэн биатлонъя чемпионатаз но первенствояз медальёс утӥзы. Ӵошатсконъёс 1-2 оштолэзе Москва улосвылысь Пересветын ортчизы. Со сярысь элькунысь Спортъя дасяськонъя центрлэн пресс-службаез ивортӥз.

1-тӥ оштолэзе спортсменъёс ас чотэ ӵошатсконъёсы пыриськизы. Владислав Лекомцев Россилэн чемпионатэз улсын куинетӥ луиз. Нош Россилэн первенствоез чотын пиос пӧлын Владимир Чайников зарни медаль утӥз. Нылъёс пӧлын Валентина Переносова вормиз, Лилиана Садыкова кыкетӥ инты басьтӥз.

2-тӥ оштолэзе биатлонистъёс спринтъя стартэ потӥзы. Владислав Лекомцев вань мишеньёссэ ворсаз но Россилэн чемпионэз луиз. Владимир Чайников кунлэн первенствояз пиос пӧлын бронза басьтӥз. «Пукыса» ӵошатскись нылъёс пӧлын нырысетӥ интые Валентина Переносова потӥз, Лилиана Садыкова кыкетӥ луиз.

Тодэ вайытом, азьвыл спортсменъёсмы Россилэн куасэн бызьылонъя чемпионатаз но первенствояз асьсэзыз умой возьматӥзы



Наверх
Вниз