Ижкар+1 °C
13 -тӥ оштолэзь 2021 Пуксён
18+

Ульяна Кайшева Россиысь биатлонистъёслэн огазеяськонзылэн рейтингаз кыкетӥ луиз

  • 357
  • 0
Ижкар / Удмуртия
Ульяна Кайшева Россиысь биатлонистъёслэн огазеяськонзылэн рейтингаз кыкетӥ луиз
Туспуктэм: biathlonrus.com

Удмуртиысь спортсменка Ульяна Кайшева Россиысь биатлонистъёслэн огазеяськонзылэн 2020-2021 аръёсы ӵошатскон вакытлы йылпумъянъёсъя лыдметаз кыкетӥ инты басьтӥз. Со сярысь Россиысь биатлонистъёслэн огазеяськонзылэн пресс-службаез ивортӥз.

Ульяна Кайшева 2020-2021 аръёсы ӵошатскыса 1 сюрс 227 очко люказ. Биатлонисткамы Свердловск улосвылысь Светлана Мироновалы гинэ келяз, кудӥз 1 сюрс 360 очко люказ

Воргоронъёслэн рейтингазы 1 сюрс 315 балл люкаса Башкортостанысь Эдуард Латыпов вормиз. Кыкетӥ Москваысь Матвей Елисеев луиз, со 1 сюрс 306 очко люказ. Куинетӥ интыын Тюмень улосвыл понна ӵошатскись Александр Логинов, солэн 1 сюрс 284 очкоез.

Со сяна, Россиысь биатлонистъёслэн огазеяськонзы Россилэн кубокез понна ӵошатсконъёсъя рейтинг но кылдытӥз. Отын 2020-2021 аръёсы ӵошатскон вакытлы йылпумъянъёсъя Удмуртиысь биатлонист Дмитрий Шамаев кыкетӥ инты басьтӥз, Александр Поварницын – витетӥ. Вормисе Ханты-Мансийск автоном округысь Дмитрий Иванов луиз.

Тодэ вайытом, Ульяна Кайшева Россилэн чемпионатаз уйыса бызёнын куинетӥ луиз



Наверх
Вниз