Ижкар+13 °C
13 -тӥ куартолэзь 2021 Покчиарня
18+

Тупаса улонлы сӥзем эстафета ортчоз Ижкарын 9-тӥ куартолэзе

  • 630
  • 0
Ижкар / Удмуртия
Тупаса улонлы сӥзем эстафета ортчоз Ижкарын 9-тӥ куартолэзе
Туспуктэм: Григорий Фомин

9-тӥ куартолэзе Ижкарысь Шор площадьын капчи атлетикая эстафета (Эстафета Мира) ортчоз. Тупаса улонлы но Быдӟым Атыкай ожын Вормонлы 76 ар тырмонлы сӥзем ӵошатскон туэ 72-тӥез луоз ни. Со сярысь Ижкар администрацилэн пресс-службаез ивортӥз.

Ужрадэ «Дружба» ёрос эстафетаосын вормисьёс но призёръёс луэм школаослэн 25 командаоссы пыриськозы. Соос борды Ижкарысь шор ёзо но вылӥ нер дышетсконниослэн, промышленной предприятиослэн но огазеяськонъёслэн командаоссы итӥськозы.

Нырысь-валысь чакламъя, ӵошатсконэ 900 пала спортсменъёс пыриськозы

Эстафеталэн маршрутэз Пушкинской, Красногеройской, Коммунаръёслэн, Лихвинцев нимо урамъёс кузя ортчоз.

Тупаса улонлы эстафета азьын Быдӟым Атыкай ожын быремъёслы сӥзем «Пробег Памяти» луоз

Пусъём, ужрад дыръя 12 часысен 15 часозь эстафеталэн маршрутэзъя транспортлы мынон-ветлон сюбегатэмын луоз:

  • Пушкинской урамын: Красногеройской урамысен Широкий пролкаозь;
  • Красногеройской урамын: Коммунаръёслэн урамысенызы Пушкинской урамозь;
  • Коммунаръёслэн урамазы: Красногеройской урамысен Лихвинцев нимо урамозь;
  • Лихвинцев нимо урамын: Пушкинской урамысен Коммунар урамозь.

Тодэ вайытом, Удмуртиын Вормон нунал азьвыл георгиевской лентаос люкылон акци мынэ. 



Наверх
Вниз