Ижкар+30 °C
16 -тӥ инвожо 2021 Вирнунал
18+

Удмуртиын нырысьсэ гурт шудонъёсы механизаторъёс, скал кыскисьёс но турнасьёс куспын ӵошатсконъёсты пыртӥзы

  • 856
  • 0
Грак / Удмуртия
Удмуртиын нырысьсэ гурт шудонъёсы механизаторъёс, скал кыскисьёс но турнасьёс куспын ӵошатсконъёсты пыртӥзы
Туспуктэм: vk.com (ХХХ Республиканские летние спортивные игры)

Удмуртиын элькун гужем гурт шудонъёслэн радлыказы нырысьсэ механизаторъёс, скал кыскисьёс но турнасьёс куспын ӵошатсконъёсты пыртӥзы. Туэ XXX Шудонъёс 29 инвожоысен 3-тӥ пӧсьтолэзёзь Гракын ортчозы, соос Гуртлэн арез улсын радъяськозы. Со сярысь элькун тӧролэн но кивалтэтлэн пресс-службазы ивортӥз.

Грак ёросэ ӵошатсконъёсы элькунысьтымы 1 сюрс 400-лэсь трос спортсменъёс вуозы. Соос 18 спорт амалъёсын вормон понна нюръяськозы: волейбол, футбол, ӝӧквыл теннис, шальы лэзьян, армрестлинг, гира ӝутъян, дзюдо, дуатлон но мукет.

Устоосыз спортсменъёс спортъя 13-тӥ огъяросси гужем гурт шудонъёсы мынозы. Ӵошатсконъёс Пензаын 17-22 пӧсьтолэзе ортчозы

Озьы ик гурт шудонъёс улсын «Команда Удмуртии» фестиваль ортчоз. Элькунысь кивалтӥсьёс баскетболын, гужем биатлонын но мини-лаптаын кужымзэс мерталозы.

Ӵошатсконъёс Гракысь физкультурая но тазалыкез кыдатонъя выль огъетын, стадионын, ёрос культура юртын, шор площадьын, автодромын но шор ёзо школаын радъяськозы. 

Тодэ вайытом, кылем арын спортъя элькун гужем гурт шудонъёс Красногорскын ортчизы



Наверх
Вниз