Ижкар+1 °C
30 -тӥ шуркынмон 2021 Пуксён
18+

Ижкарын спорт удыслы бадӟым объектъёсты пуктон ужъёсты йылпумъян пала вуттӥзы

  • 173
  • 0
Ижкар / Россия
Ижкарын спорт удыслы бадӟым объектъёсты пуктон ужъёсты йылпумъян пала вуттӥзы
Туспуктэм: Руслан Нуриахметов

Удмуртиын куать объектъёс «Демография» йӧскалык ӵектосъя кылдозы, пӧртэм спорт амалъёслы площадкаос «Детский спорт» ӵектосъя пукто, выльдон ужъёсты ӟечлэсьтон коньдонэн нуо. Ижкарын кӧня ке бадӟым спорт объектъёсты пуктон но выльдон ужъёс йылпумъян пала вуо. Со сярысь элькун тӧролэн но кивалтэтлэн пресс-службазы ивортӥз.

Удмуртиын спорт азинске – трос спорт объектъёс пуктэмын но уже кутыны дасясько. Ми спортсменъёсмы понна гинэ ӧвӧл, вань мылкыд карисьёслы физкультураен вырыны умой луонлыкъёс кылдытӥськом
Александр Варшавский, Удмуртиысь физкультурая, спортъя но егитъёсын ужан политикая министр

Одӥгез валтӥсез но кема возьмам юрт – 50 метръем бассейн. Отын 10 уян чур, 600 интылы трибунаос, нылпи бассейн, фитнесэн вырыны но ялкарыны интыос луозы. Объектэз гудырикошконэ усьтыны чаклало.

Озьы ик таяз арын Ухтомский нимо ульчаын ӧсъёссэ усьтоз физкультурая но тазалыкез кыдатонъя огъет. Сое спортшколалы сётыны малпало, отын спортысь шудон амалъёсты азинтозы – баскетбол, волейбол, гандбол. Ужъёс йылпумъясько, алӥ спорт тӥрлыкез пуктон мынэ. Залэз гудырикошкон пумын, выль дышетскон ар кутсконлы, усьтозы.

Ленин ёросын «Локомотив» стадионэз быдэсак выльдонлэн нырысетӥ люкетэз йылпумъяське. 1970-тӥ аръёсы пуктэм объект одӥг пол тупатъямын ӧй вал. Удмуртилэн тӧроез Александр Бречалов куремен спортэя министерство тупатъянлэсь ӵектоссэ дасяз. Али футбол бусы, бызьылон сюресъёс, могӟетъёсын полоса умоятэмын ни. Азьланяз спортплощадкаос, 500 интылы трибунаос, хоккей коробка лэсьтыны чакламын. Стадионын нуналлы быдэ 900 пала адями спортэн вырыны быгатоз.

42 номеро школа вӧзысь стадионын физкультурая но тазалыкез кыдатонъя липеттэм огъет пукто. Инъетэз дась ни, али тӥрлыкез пукто. Отын искусственной шобретэн футбол бусы, 100 интылы трибунаос, резина шобретэн бызьылон сюрес, шудон амалъёслы площадкаос, кузьдалаен тэтчан инты, хоккеен шудон площадка луозы.

Озьы ик Ижкарысь 78 но 97 номеро школаослэн интывылазы ГТО площадкаос кылдозы, тӥрлык басьтэмын ни.

Со сяна, гудырикошконэ Дэри ёросысь Италмас черкогуртын Г. А. Кулакова нимо стадион пуктыны контракт юнматыны малпало.

Сарапул ёросысь Сигаево черкогуртын питрано куасэн ворттылыны 600 метръем югдытэм трасса пуктозы. Толалтэ со сюрес одӥг иськемозь кузьгес луоз.

Коньывуонэ Шаркан черкогуртын югдытэм лыжероллерной трассаез лэсьтон йылпумъяськоз.

Тодэ вайытом, 2021-тӥ арын Вавож ёросысь Нюрдор-Котья черкогуртын куасэн бызьылон огъет усьтӥзы, Грак черкогуртын стадион но ФОК пуктӥзы



Наверх
Вниз