Ижкар-4 °C
5 -тӥ толсур 2021 Воскресенье
18+

Покчи пиналъёсты коньки вылэ султытозы Сюмси ёросын

  • 350
  • 0
Кильмезь / Удмуртия
Покчи пиналъёсты коньки вылэ султытозы Сюмси ёросын
Туспуктэм: Руслан Нуриахметов

Сюмси ёросысь Кильмезь черкогуртысь 4-7 аресъем покчи пиналъёсты конькиен ворттылыны дышетозы. Сыӵе луонлыксы грант утэмзылы луыса кылдӥз. Со сярысь ивортодэтъя «Удмуртия» агентстволэн корреспондентэзлы Кильмезьысь нылпи садэн кивалтӥсь Людмила Матте вераз.

Грантэз нылпи сад «Совет родителей военнослужащих УР» улосвыл мер огазеяськонэн ӵош утӥз. Бадӟым юрттэт солэн кивалтӥсез Татьяна Чучкалова сётӥз. Озьы, «Доступный спорт – как воспитать спортсмена» валче ӵектоссылы Елена но Геннадий Тимченкоослэн ӟечлэсьтон фондэнызы но академиенызы, озьы ик «Добрый лёд» программаен улонэ пыӵатӥськись «Развитие массового детского хоккея в регионах России» ӟечлэсьтон ӵектос улсын 210 сюрс манет висъязы.

Со коньдонэн 20 пар конькиос (27-38 размеръёс) но соосты шерыны станок басьтӥзы.

Али пиналъёсты конькиосты дӥсяны, кыльыны, соос вылын сылыны дышетӥсез утчан мынэ
Людмила Матте, Кильмезьысь нылпи садэн кивалтӥсь

Пиналъёсын занятиос черкогуртысь нылпи юрт дорысь катоказы ортчытъяны чаклало. Соосын ӵош анай-атайёссы но дышетскыны быгатозы, уго со понна ик конькиос пӧртэм размеръёсын басьтэмын.

Катокез тылпу кысӥсьёс лыктыса кисьтало. Ӵем гинэ нылпи юртысь пиналъёс нискылало. Асьсэос ик лымызэ но утялто. Ӝытазе милям отын котыр тылъёс но ӝуало. Табере нылпи садысьтымы пиналъёс но коньки вылын сылыны мед дышетскозы шуыса тыршом
Людмила Матте, Кильмезьысь нылпи садэн кивалтӥсь

Людмила Матте пусйиз, али валтӥсь ужпумзы – выль станокен конькиосты шерыны дышетскыны но катокез выльдыны, кисьтыны. 

Тодэ вайытом, Удмуртиысь тямыс ужъюртъёсы нылпи хоккеез азинтыны тӥрлык басьтозы



Наверх
Вниз