Ижкар+1 °C
30 -тӥ шуркынмон 2021 Пуксён
18+

Удмуртиысь олимпиецъёсты Россилэн кун данъетъёсыныз пусйизы

  • 166
  • 0
Москва / Россия
Удмуртиысь олимпиецъёсты Россилэн кун данъетъёсыныз пусйизы
Туспуктэм: olympic.ru

Россилэн азьмуртэз Владимир Путин Токиоын Олимпи шудонъёсын вормонъёссы понна спортсменъёсты кун данъетъёсын пусйиз. Со пумысен косэт (указ) эрикрадо ивортодэтъя нимлыко интернет-порталын поттэмын.

Удмуртиысь Юлия Каримова  басьтоз. Со ыбылӥськонъя ӵошатсконъёсын кык бронза медаль утӥз.

Свердловск улосвыл но Удмуртия понна вожвылъяськись гимнаст Давид Белявский но Ханты-Манси автоном округ – Югра но Удмуртия понна нюръяськись боксёр Альберт Батыргазиев Дружбы орденэн пусъемын. Соос асьсэ спорт амалъёсазы зарни медальёс басьтӥзы. 

Ватсалом, Олимпи шудонъёсын Удмуртиысь Антон Синцов «маунтинбайк-кросс» амалын 11-тӥ инты басьтӥз. Можгаын вордскем но Мордовия понна ӵошатскись Эльвира Хасанова спорт амалэн ветлонын 16-тӥ луиз. 

Нялтас вераса, Токиоын Шудонъёсы Удмуртиен герӟаськем эшшо одӥг спортсменка пыриськиз. Воткаын вордскем но али Свердловск улосвылын улӥсь Ксения Перова пукыӵысь ыбылӥськонъя командаен турнирын азвесь медаль утӥз. Сое озьы ик «За заслуги перед Отечеством» орденлэн II степенё медаленыз пусйизы. 2016-тӥ арын Рио-де-Жанейроын но Перова кыкетӥ инты басьтӥз вал. 



Наверх
Вниз