Ижкар+1 °C
30 -тӥ шуркынмон 2021 Пуксён
18+

Тямыс медаль утӥзы Удмуртиысь спортсменъёс VI огъяросси фестивальлэн нырысетӥ нуналаз

  • 162
  • 0
Ижкар / Удмуртия
Тямыс медаль утӥзы Удмуртиысь спортсменъёс VI огъяросси фестивальлэн нырысетӥ нуналаз
Туспуктэм: vk.com (Центр спортивной подготовки Удмуртии. ЦСП)

Удмуртиысь спортсменъёс Йӧскалык но Олимпи шудонъёсы пыртымтэ спорт амалъёсъя VI огъяросси фестивальлэн нырысетӥ нуналаз тямыс медаль утӥзы. Висъяськизы самбоя командае пыриськисьёс. Со сярысь улосвыллэн тӧроез Александр Бречалов «ВКонтакте» мерлыко вотэсысь бамаз ивортӥз.

Удмуртилэсь данзэ фестивальын 165 ӵошатскисьёс утё. Соос пӧлын Спортъя элькун гурт шудонъёсын трос пол вормисьёс, Огъяросси гурт шудонъёслэн призёръёссы: шашист Алексей Чижов, рестлер Руслан Агафонов, Пичи Пурга ёросысь лаптаен шудӥсьёс но мукетъёсыз.

Ӵошатсконъёсы Россилэн 42 улосвылъёсысьтыз 825 спортсменъёс люкаськизы. Соос 16 спорт амалъёсъя оглом 64 комплект медальёсты люкозы

Вожвылъяськонъёс Ижкарын сяна, Якшур-Бӧдья ёросын, Воткаын но Сарапул ёросысь Сигаево черкогуртын ортчо:

  • Ижкарын – армрестлинг, бильярд, воздушно-силовой атлетика, гира ӝутъян, лапта, корэш, мини-футбол, гозы кыскан, самбо, эктон спорт, ӟуч шашкиен шудон, штангаез ӝутъянъя ӵошатсконъёс но бадӟым ӝӧквыл хоккей;
  • Якшур-Бӧдья ёросын - спорт ориентирование;
  • Воткаын – сумо;
  • Сигаевоын - шальы лэзьян.

Пусъём, ӵошатскисьёслы капчи мылкыд сётыны Олимпи шудонъёслэн призёрез, ыбылӥськись Юлия Каримова но Паралимпи чемпион, куасэн бызьылӥсь но биатлонист Владислав Лекомцев вуылӥзы.

Ватсалом, огъяросси фестиваль «Демография» йӧскалык ӵектослэн «Спорт – норма жизни» федерал ӵектосэз улсын ортчо. 

Тодэ вайытом, Удмуртиысь олимпиецъёсты Россилэн кун данъетъёсыныз пусйизы



Наверх
Вниз