Ижкар+2 °C
28 -тӥ коньывуон 2021 Покчиарня
18+

Паралимпи шудонъёс: ку Удмуртиысь спортсменъёс понна висьыны луоз

  • 258
  • 0
Токио / Япония
Паралимпи шудонъёс: ку Удмуртиысь спортсменъёс понна висьыны луоз
Туспуктэм: olympics.com

24-тӥ гудырикошконэ Япониысь Токиоын XVI гужем Паралимпи шудонъёс кутскизы. Отчы Удмуртиысь ньыль спортсменъёс пырисько, соос велоспортын, ӝӧквыл теннисын но уянын кужымзэс мерталозы. 

Велоспортэн вырисьёс Сергей Пудов но Арслан Гильмутдинов шоссеын но трекын ӵошатсконъёсы пыриськозы.

26-тӥ гудырикошконэ:

трекын дыръя ӵошатсконын – Сергей Пудов;

трекын уйыса ӵошатсконын – Арслан Гильмутдинов;

27-тӥ гудырикошконэ:

трекын дыръя ӵошатсконын – Арслан Гильмутдинов;

трекын уйыса ӵошатсконын – Сергей Пудов;

31-тӥ гудырикошконэ:

шоссеын нимаз ӵошатсконын – Сергей Пудов;

шоссеын нимаз стартэн нимаз ӵошатсконын – Арслан Гильмутдинов;

2-тӥ куарусёнэ:

шоссеын группаен ӵошатсконын – Арслан Гильмутдинов;

3-тӥ куарусёнэ:

шоссеын группаен ӵошатсконын – Сергей Пудов.

Ӝӧквыл теннисэн Надежда Пушпашева шудоз. 25-28 гудырикошконэ солэн нимаз ӵошатсконъёсыз луозы, нош 31-тӥ гудырикошконысен 3-тӥ куарусёнозь – командаен.

Уянын Павел Куклин кужымзэ мерталоз. Со 27-тӥ гудырикошконэ стартэ потоз, пияш 100 метр дистанциез тыбыр вылаз ортчоз.

Ӵошатсконъёслэн быдэсак программаенызы чӧлсконпусъя тодматскыны луэ. Трансляциос нуон сярысь «Трансляции» люкетысь тодыны луэ.

Пусъём, Паралимпи шудонъёсы пӧртэм кунъёсысь 4 сюрс 400 спортсменъёс пырисько. Соос 22 спорт амалъёсын 539 медальёс понна нюръяськозы. Россиысь Паралимпи комитетлэн командаысьтыз (дӥськутсы вылын RPC гожтэмын - ред.) ) 242 атлетъёс 19 спорт амалын кужымзэс мерталозы. Ӵошатсконъёс 21 объектъёсын ортчозы.

Тодэ вайытом, азьвылгес ортчем Олимпи шудонъёсын медальёс утэм Удмуртиысь спортсменъёсты кун данъетъёсын пусйизы



Наверх
Вниз