Ижкар+4 °C
19 -тӥ коньывуон 2021 Пуксён
18+

Олимпи чемпион Давид Белявский Ижкарысь пинал гимнастъёсын пумиськиз

  • 259
  • 0
Ижкар / Удмуртия
Олимпи чемпион Давид Белявский Ижкарысь пинал гимнастъёсын пумиськиз
Туспуктэм: Анастасия Васильева

14-тӥ куарусёнэ Воткаын вордӥськем олимпи чемпион, дуннелэн чемпионэз Давид Белявский Ижкарысь Спортъя нылпиослы специализированной элькун школае вуылӥз но пинал гимнастъёсын пумиськиз. Со сярысь Кун Кенешлэн пресс-службаез ивортӥз.

Ужрадэ Удмуртиысь Кун Кенешысь физкультурая, спортъя но егитъёсын ужан политикая ялан ужась ӧрилэн тӧроез Иван Черезов, физкультурая, спортъя но егитъёсын ужан политикая министр Александр Варшавский, спортсменлэн нырысетӥ тренерез Сергей Закиров, ӵыжы-выжыосыз, спортысь ветеранъёс, спортъя школаын дышетскисьёс, соослэн анай-атайёссы, тренеръёссы но мукетъёсыз пыриськизы.

Давид Белявский спортын ӧнер сюрессэ мытэмез сярысь вераз, юанъёслы валэктонъёс сётӥз но тодэ-ваёнъёссэ шараяз.

Мон ӵапак та залын заниматься кариськи. Со мон понна аслам коркае кадь, татын мынам нырысетӥ ӵошатсконъёсы ортчизы, нырысетӥ вормонъёсы вуизы
Давид Белявский, олимпи чемпион

Иван Черезов спортсменлэн дырыз ичи ке но, котьку но вордӥськем шаераз вуыны дыр шедьтэ шуыса пусйиз но солэн вуэмез пиналъёс понна бадӟым кузьым луэ, дышетсконзэс азинтыны мылкыд сётэ шуиз.

Давид – бадӟым спортсмен, со маке мында вормонъёс басьтӥз ини. Мон туж умой валасько, кӧня кужымзэ, мылкыдзэ со сётӥз, кӧня тыршиз, соос дорозь сузьтӥськон понна. Олимпи чемпион – со быдэс улонлы сӥлыним, со кунлэн данъяськонэз
Иван Черезов, Удмуртиысь Кун Кенешысь физкультурая, спортъя но егитъёсын ужан политикая ялан ужась ӧрилэн тӧроез

Пумиськон улсын Давид Белявский спортъя школаысь гимнастъёслы спортъя мастере кандидатъёс луэмзы сярысь гадьпусъёс сётъяз.

Тодэ вайытом, Давид Белявский Токиоын ортчем Олимпи шудонъёсын командаен многоборьеын зарни медаль утӥз.



Наверх
Вниз