Ижкар-4 °C
5 -тӥ толсур 2021 Воскресенье
18+

50 метръем «Инву» бассейнэз усьтӥзы Ижкарын

  • 251
  • 0
Ижкар / Удмуртия
50 метръем «Инву» бассейнэз усьтӥзы Ижкарын
Туспуктэм: Удмуртиысь тӧролэн но кивалтэтлэн пресс-службазы

18-тӥ куарусёнэ Ижкарын 50 метръем «Инву» («Сила воды») бассейнэз усьтӥзы. Со сярысь элькун тӧролэн но кивалтэтлэн пресс-службазы ивортӥз.

Бассейнэз йылаз-пумаз вуттон - трос сюлмо адямиослэн тыршемзылэн результатэз. <...> Ваньзы карын но элькунын ӟечлыко спорт инфраструктураез азинтон понна та объектэз йылпумъян сярысь сюлмаськизы. Возьманъёсмы быдэсмизы. Ӧнерлыко спортсменъёслы но уяны яратӥсьёслы кластер пӧрмиз
Александр Бречалов, Удмуртилэн тӧроез

Огъетын уяны кык бассейн лэсьтӥзы. Одӥгез 50 метръем (мурдалаез 2 метр), кыкетӥез - 12 метръем (мурдалаез 1 метрысен 1,25 метрозь). Соос 120 но 20 адямилы чакламын.

Огъетын Европа но дунне инлыкен ӵошатсконъёсын вормон понна нюръяськись спортсменъёс дасяськыны быгатозы, уго 50 метръем бассейнэз Олимпи куронъёсъя лэсьтӥзы. Котькуд дорожкалэн пасьталаз 2,5 метр луэ.

Бассейнын котькуд уясьлэсь результатсэ пусъён понна, автомат амалэн ужась нимысьтыз тӥрлык пуктӥзы. Вуэз ультрафиолетэн но дезинфекци карись элементъёсын чылкытатӥсь сӧзнэт сузялоз. Солы луыса, вуын ӧжытгес хими суретъёс луозы.

Тренировкаосты но ӵошатсконъёсты огвакытэ 640 адямиос учкыны быгатозы.

Бассейнъёс уяны яратӥсьёслы но усьтэмын луозы

Спорт ужъюртын озьы ик «кӧс» уянлы зал, тренажёр зал, кык сауна, таза сиён-юонэн кафе, спорт вузъёсын лавка вань.

Пусъём, бассейнэз 2013-тӥ арын пуктыны кутскизы вал. Но ужъёс дугдӥзы. Лэсьтӥськисьёс объект борды выльысь 2019-тӥ арын гинэ басьтӥськизы. Ужъёсты «Демография» йӧскалык ӵектос улсын нуизы.

Тодэ вайытом, кемалась ик ӧвӧл, Ижкарын йӧскалык лыдӟетъюртэз усьтӥзы.




Наверх
Вниз