Ижкар+1 °C
30 -тӥ шуркынмон 2021 Пуксён
18+

Физкультурая но тазалыкез кыдатонъя куинь огъетъёс усьтӥськозы Удмуртиын 2021-тӥ ар пумозь

  • 144
  • 0
Ижкар / Удмуртия
Физкультурая но тазалыкез кыдатонъя куинь огъетъёс усьтӥськозы Удмуртиын 2021-тӥ ар пумозь
Туспуктэм: Руслан Нуриахметов

Удмуртиын 2021-тӥ ар пумозь «Демография» йӧскалык ӵектос улсын физькультурая но тазалыкез кыдатонъя куинь огъетъёс усьтӥськозы. Со сярысь элькун тӧролэн но кивалтэтлэн пресс-службазы ивортӥз.

Одӥгез огъет инбам улын луоз но Можгаысь 10 номеро школалэн стадионаз интыяськоз. Мукетыз, озьы ик инбам улын, Ижкарысь 42 номеро школалэн стадионаз пуксёз. Нош куинетӥез, липет улын, Ижкарысь Ухтомский нимо урамысь 25-тӥ юрт дорын интыяськоз

Пусъём, 2021-тӥ арын калыклэсь тазалыксэ кыдатон но спортэз азинтон понна одӥг футбол бусы, ГТО куронъёсты сётыны куинь площадкаос, физкультурая но тазалыкез кыдатонъя огъет но инбам улын интыяськись кык огъетъёс лэсьтӥзы.

Футбол шудонъя олипи резервысь «Зенит-Ижевск» школаын футбол бусыез шунтӥсь сӧзнэт лэсьтӥзы. Али школалы тӥрлык басьтон бордын ужало.

Тодэ вайытом, 2021-тӥ арын Удмуртиын «Демография» йӧскалык ӵектос улсысь «Спорт – норма жизни» федерал ӵектосъя 50 метръем выль бассейнэз усьтӥзы. 



Наверх
Вниз